ടിപ്പറുകളിൽ ചരക്ക് വയ്ക്കുന്ന ലോഡ് കാര്യേജ് മുകളിൽ നിന്ന് പൂർണമായി അടയ്ക്കാവുന്ന യന്ത്രവൽകൃത കവറിങ് സംവിധാനം നിർബന്ധമാക്കി. ഏപ്രിൽ ഒന്നുമുതൽ രാജ്യത്തെ എല്ലാ ടിപ്പറുകൾക്കും ഇത് നിർബന്ധമാക്കി കേന്ദ്രഗതാഗതമന്ത്രാലയം വിജ്ഞാപനം ഇറക്കി.

റോഡിലൂടെ സഞ്ചരിക്കുമ്പോൾ ലോഡ് കാര്യേജ് പൂർണമായി അടയ്ക്കണം. ടിപ്പറുകളിൽ നിന്നുള്ള വസ്തുക്കൾ പുറത്തേക്ക് വീണ് അപകടം ഉണ്ടാകുന്നതും പൊടിപടരുന്നതും തടയുകയാണ് ലക്ഷ്യം. യാത്രയ്ക്കിടെ ലോഡ് കാര്യേജ് തുറന്നുകിടന്നാൽ ഡ്രൈവർക്ക് അറിയിപ്പ് നൽകുന്ന സംവിധാനം വേണം.
നിർദിഷ്ട കവറിങ് സംവിധാനം ഇലക്ട്രോ - മെക്കാനിക്കൽ അല്ലെങ്കിൽ ഹൈഡ്രോളിക് രീതിയിൽ പ്രവർത്തിക്കുന്നതായിരിക്കേണ്ടതാണ്.