കണ്ണീർക്കാഴ്ചയായി... ദേശീയപാതയില്‍ തളിക്കുളം കൊപ്രക്കളത്ത് റോഡ് മുറിച്ചുകടക്കുന്നതിനിടെ കാറിടിച്ച് മധ്യവയസ്‌കന് ദാരുണാന്ത്യം. തളിക്കുളം ത്രിവേണി സ്വദേശി തറയില്‍ വീട്ടില്‍ സന്തോഷ് (51) ആണ് മരിച്ചത്. ഞായറാഴ്ച രാത്രി 9:15 ഓടെയായിരുന്നു അപകടം നടന്നത്.

ദേശീയപാത 66ല്‍ പടിഞ്ഞാറ് ഭാഗത്തുനിന്ന് റോഡ് മുറിച്ചുകടക്കുന്നതിനിടെ കൊടുങ്ങല്ലൂര്‍ ഭാഗത്തുനിന്ന് വന്ന കാര്‍ ഇടിക്കുകയായിരുന്നു. അപകടത്തില്‍ ഗുരുതരമായി പരിക്കേറ്റ സന്തോഷിനെ മിറാക്കിള്‍ ആംബുലന്‍സ് പ്രവര്‍ത്തകര്‍ ഉടന്‍ വലപ്പാട് സ്വകാര്യ അത്യാഹിത ചികിത്സാ വിഭാഗത്തില്‍ എത്തിച്ചെങ്കിലും ജീവന്‍ രക്ഷിക്കാൻ കഴിഞ്ഞില്ല. വലപ്പാട് പൊലീസ് മേല്‍നടപടികള്‍ സ്വീകരിക്കുകയും ചെയ്തു.