സഹോദരനൊപ്പം സഞ്ചരിക്കുന്നതിനിടെ സ്കൂട്ടർ തെന്നിമറിഞ്ഞ് തലയ്ക്കു ഗുരുതരമായി പരുക്കേറ്റ് ചികിത്സയിൽ കഴിഞ്ഞിരുന്ന യുവതി മരണത്തിന് കീഴടങ്ങി. ആവോലി പൊരിയംകുന്നേൽ ഷാജി ജോസഫിന്റെയും ഷൈമോളുടെയും മകളും തൊടുപുഴ ബേബി മെമ്മോറിയൽ ആശുപത്രിയിലെ നഴ്‌സുമായ അക്സ ഷാജി (25) ആണ് മരിച്ചത്.

ശനിയാഴ്ച രാത്രി ഏഴോടെ തൊടുപുഴ പുഴയോര ഹൈവേയിലുണ്ടായ അപകടത്തിലാണ് അക്സയ്ക്ക് ഗുരുതര പരുക്കേറ്റത്. ബേബി മെമ്മോറിയൽ ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. സംസ്കാരം പിന്നീട് നടക്കും. അനാക് ഷാജി (അപ്പു) ആണ് സഹോദരൻ.