എല്ലാം ശരിയാക്കിത്തുടങ്ങി... പൊലീസ് മേധാവി സ്ഥാനത്ത് നിന്ന് സെന്കുമാറിനെ മാറ്റി; പകരം വിശ്വസ്തന് ലോക്നാഥ് ബെഹ്റയെ നിയമിച്ചു; ഇഷ്ടക്കാരെല്ലാം തലപ്പത്ത്
പൊലീസ് തലപ്പത്ത് വീണ്ടും അഴിച്ചുപണി. പൊലീസ് മേധാവി സ്ഥാനത്ത് നിന്ന് ടി.പി. സെന്കുമാറിനെ മാറ്റി. പകരം ഫയര്ഫോഴ്സ് മേധാവി ലോക്നാഥ് ബെഹ്റയെ നിയമിച്ചു. പതിനൊന്നരയോടെ ആണ് ഡി.ജി.പി യെ നീക്കം ചെയ്തു കൊണ്ടുള്ള സുപ്രധാന ഫയലില് മുഖ്യമന്ത്രി ഒപ്പ് വച്ചത്. ഉത്തരവ് ഇറക്കുന്നതിനു ഫയല് രാത്രി തന്നെ ചീഫ് സെക്രട്ടറിക്ക് കൈമാറി.
1985 ബാച്ചിലെ ഐ പി എസ് ഉധ്യോഗസ്ഥനാണ് പുതിയ പോലീസ് മേധാവി. ദേശീയ അന്വേഷണ ഏജന്സിയുടെ തുടക്കകാലത് കോഓര്ഡിനേഷന് ചുമതല വഹിച്ചിരുന്നത് ബെഹ്റ ആണ്. 2021 ജൂണ് വരെ ഡി ജി പി ആയി ചുമതലയുള്ള ലോകനാഥ് ബെഹ്റ ആണ് മുംബൈ ഭീകരാക്രമണ കേസിലെ പ്രധാന പ്രതി ഡേവിഡ് കോള്മാന് ഹെഡ്ലിയെഅമേരിക്കയില് പോയി ചോദ്യം ചെയ്തത്.ആലപ്പുഴ എ.എസ്.പിയായാണ് ബെഹ്റയുടെ തുടക്കം. ആലപ്പുഴ, കണ്ണൂര് എസ്.പി ചുമതലകള് വഹിച്ചു.
വിജിലന്സ് ഡയറക്ടര് ശങ്കര് റെഡ്ഡിയെ മാറ്റി ജേക്കബ് തോമസ് പുതിയ വിജിലന്സ് ഡയറക്ടറാകും. ടിപി സെന്കുമാര് പൊലീസ് ഹൗസിംഗ് കണ്സ്ട്രക്ഷന് കോര്പ്പറേഷന് എംഡിയാക്കി നിയമിക്കും. മുന് സര്ക്കാരിന്റെ കാലത്ത് ബാര് കോഴ കേസ്, പാറ്റൂര് ഭൂമിയിടപാട് എന്നീ കേസുകളില് കൃത്യമായ അന്വേഷണത്തിലൂടെ സത്യസന്ധത തെളിയിച്ച ഓഫീസറായിരുന്നു ജേക്കബ് തോമസ്. വിജിലന്സ് ഡയറക്ടര് സ്ഥാനത്തേക്ക് ജേക്കബ് തോമസിന്റെ പേര് പരിഗണനയിലുണ്ടായിരുന്നുവെന്നാണ് റിപ്പോര്ട്ടുകള് ജിഷ കൊലക്കേസില് പൊലീസ് അന്വേഷണം ശരിയായ രീതിയിലാണെന്ന് സെന്കുമാറിന്റെ വാദങ്ങള തള്ളിക്കളഞ്ഞ് എ.ഡി.ജി.പി പത്മകുമാറിനെ അടക്കം കഴിഞ്ഞ ദിവസം മാറ്റിയിരുന്നു. ഇതിനു പിന്നാലെ ആണ് ഡി.ജി.പി സ്ഥാനത് നിന്നും ഇദ്ദേഹത്തെ മാറ്റിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
