തന്നെ നീക്കിയ നടപടി ചട്ടലംഘനം: സെന്കുമാര്
പൊലീസ് മേധാവി സ്ഥാനത്ത് നിന്ന് നീക്കിയ എല്.ഡി.എഫ് സര്ക്കാറിനെ വിമര്ശിച്ച് ഡി.ജി.പി ടി.പി സെന്കുമാര്. തന്നെ മാറ്റുന്ന വിവരം സര്ക്കാറിന് മാന്യമായി അറിയിക്കാമായിരുന്നു. സര്ക്കാറിന് ആവശ്യം ലോക്നാഥ് ബെഹ്റയെ ആണെങ്കില് വാശി പിടിച്ച് ഡി.ജി.പി പദവിയില് ഇരിക്കുന്നതില് അര്ഥമില്ലെന്നും സെന്കുമാര് പറഞ്ഞു.
മേധാവി സ്ഥാനത്തു നിന്ന് നീക്കിയ നടപടിയില് ചട്ടലംഘനമുണ്ട്. സുപ്രീംകോടതി വിധിക്കും പൊലീസ് ആക്ടിനും വിരുദ്ധമായ നടപടിയാണിത്. ആവശ്യമെങ്കില് നിയമനടപടി സ്വീകരിക്കുമെന്നും സെന്കുമാര് വ്യക്തമാക്കി.
തന്റെ ജോലി നന്നായിട്ടു തന്നെ ചെയ്തിട്ടുണ്ട്. ആരെയും അനാവശ്യമായി ഉപദ്രവിച്ചിട്ടില്ല. നിയമവിരുദ്ധ പ്രവൃത്തികള് ചെയ്തിട്ടില്ലെന്നും ആരെയും അതിനു പ്രേരിപ്പിച്ചിട്ടുമില്ലെന്നും സെന്കുമാര് വ്യക്തമാക്കി. സര്ക്കാറിന് ഇഷ്ടമില്ലാതെ ഒരു പദവിയില് തുടരാനില്ല. വാശിപിടിച്ച് ഒരു സ്ഥാനത്ത് ഇരിക്കേണ്ട ആവശ്യവുമില്ല. തനിക്ക് തന്റേതായ തത്വങ്ങളുണ്ട്. അതനുസരിച്ചേ ഇതുവരെ പ്രവര്ത്തിച്ചിട്ടുള്ളൂ. അതിവിടത്തെ ജനങ്ങള്ക്കറിയാം. നിരവധി പേര്ക്ക് സഹായങ്ങള് ചെയ്തിട്ടുണ്ട്. അതൊന്നും മാധ്യമങ്ങളിലൂടെ വെളിപ്പെടുത്താന് ഒരിക്കലും ആഗ്രഹിച്ചിട്ടില്ല.
വളരെ സംതൃപ്തിയോടെ തന്നെ സ്ഥാനമൊഴിയും. ഒരു വര്ഷം ഡി.ജി.പിയായിരുന്നു. ഈ കാലയളവില് കുറേയധികം നല്ല കാര്യങ്ങള് ചെയ്യാന് കഴിഞ്ഞു. താന് പദവിയേറ്റെടുക്കുന്ന സമയത്ത് വളരെ കുറച്ച് ഉദ്യോഗസ്ഥരെ ഡി.ജി.പിയുടെ ഓഫിസിലുണ്ടായിരുന്നു. ഒരു ദിവസം 16 മുതല് 18 മണിക്കൂര് വരെ ജോലി ചെയ്തിട്ടുണ്ട്. അത്രയും സമയം എടുത്താണ് ഓരോ കാര്യങ്ങളും പൂര്ത്തിയാക്കിയതെന്നും സെന്കുമാര് ചൂണ്ടിക്കാട്ടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
