സ്ഥാനാര്ഥി ആയതിന്റെ പേരില് തന്നെയും കുടുംബത്തെയും പാര്ട്ടിക്കാര് തന്നെ വധിക്കാന് ശ്രമിച്ചു എന്ന് ഇ എസ് ബിജിമോള്
നിയമസഭാ തെരഞ്ഞെടുപ്പില് തന്നെ വിജയിപ്പിച്ച മണ്ഡലത്തിലെ വോട്ടര്മാരെ നേരില് കണ്ട് നന്ദിപറയുന്നതിന്റെ ഭാഗമായി അയ്യപ്പന്കോവില് പഞ്ചായത്തിലെ വിവിധഭാഗങ്ങളില് എല്.ഡി.എഫ് സംഘടിപ്പിച്ച യോഗങ്ങളില് ജനങ്ങളെ അഭിസംബോധനചെയ്ത് സംസാരിക്കുമ്പോഴായിരുന്നു ബിജിമോളുടെ വെളിപ്പെടുത്തല്.
ഇടതു മുന്നണി സ്ഥാനാര്ത്ഥിയായതിന്റെ പേരില് തന്നെയും കുടുംബത്തെയും വധിക്കാന് ശ്രമമുണ്ടായി.
പോളിംഗ് ദിവസം ഇടതുമുന്നണി പ്രവര്ത്തകര് ഉണ്ടാക്കിയ ഭക്ഷണത്തില് വിഷം കലര്ത്തി ഭക്ഷ്യ വിഷബാധ ഉണ്ടാക്കാനും ഇതിന്റെ പ്രതിഫലനം മറ്റ് ബൂത്തുകളില് ഉണ്ടാക്കി തന്നെ പരാജയപ്പെടുത്താന് ശ്രമിച്ചതായും ഇ എസ് ബിജിമോള് പറഞ്ഞു. ഇത് ചെയ്തത് കൂടെ ഉണ്ടായിരുന്ന ഇടതു പക്ഷ പ്രവര്ത്തകരില് ചിലരാണെന്നും ആരോപിച്ചു.
തിരഞ്ഞെടുപ്പ് കാലത്ത് തന്നെയും തന്റെ കുടുംബത്തെയും ഇല്ലായ്മ ചെയ്യാനുള്ള ഗൂഡാലോചനയും ശ്രമങ്ങളും നടന്നതായി യോഗത്തില് എം.എല്.എ തുറന്നു പറഞ്ഞു.. അനധികൃത സ്വത്ത് താന് സമ്പാദിച്ചതായി പതിനാറ് പേജുള്ള ലേഖനം തയ്യാറാക്കി കോപ്പികള് മണ്ഡലത്തില് വിതരണം ചെയ്തവരെ താന് വെല്ലു വിളിക്കുന്നതായും ഇ എസ് ബിജിമോള്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
