അധികസേവന നികുതി പ്രാബല്യത്തില് വന്നു; ജീവിതച്ചെലവേറും
അധികസേവനനികുതി ഇന്ന് പ്രാബല്യത്തില് വന്നതോടെ ജീവിതച്ചെലവേറും. മൊബൈല് ഫോണ് വിളിക്കും ട്രയിന്, വിമാനയാത്രയ്ക്കും എസി ഹോട്ടലില് നിന്നുള്ള ഭക്ഷണത്തിനും ബാങ്ക് സേവനങ്ങള്ക്കുമെല്ലാം ചെലവുകൂടും. സേവനനികുതിക്കുമേല്കഴിഞ്ഞ ബജറ്റില് പ്രഖ്യാപിച്ച ദശാംശം അഞ്ചുശതമാനം കൃഷി കല്യാണ് സെസ് നിലവില് വരുന്നതാണ് നിരക്കുകൂടാന് കാരണം.
ടെലികോം സേവനങ്ങള്, ബാങ്ക് ഉള്പ്പെടെ ധനകാര്യസ്ഥാപനങ്ങളുടെ സേവനങ്ങള്, വായ്പകളുടെ പ്രോസസിങ് ഫീസ്, കേബിള് ഡിടിഎച്ച് സേവനങ്ങള്, ജനറല് ഇന്ഷുറന്സ് പോളിസികള്, യുലിപ് ഇന്ഷുറന്സ് പോളിസികള്, എസി ഹോട്ടലില് നിന്നുള്ള ഭക്ഷണം, ബ്യൂട്ടി പാര്ലര് സേവനം, െ്രെഡക്ലീനിങ്, ഓഹരി വാങ്ങല് വില്ക്കല്, എന്ട്രന്സ് കോച്ചിങ്, വാണിജ്യാവശ്യത്തിനുള്ള കെട്ടിടങ്ങളുടെ വാടക, പരസ്യഏജന്സി, എയര്ട്രാവല് ഏജന്സി എന്നിവയുടെ സേവനം, കണ്വന്ഷനുകളും എക്സിബിഷനുകളും, കാര്ഗോ, ക്ലീനിങ് സര്വീസ്, കൊറിയര് സര്വീസ്, ആര്ക്കിടെക്ട് ഇവന്റ് മാനേജര് ടൂര് ഓപ്പറേറ്റര് ഫാഷന് ഡിസൈനര് ബ്രോക്കര് എന്നിവരുടെ സേവനങ്ങള്, വിദേശനാണ്യവിനിമയ സേവനം, ഇന്റര്നെറ്റ് കഫേ, ജിമ്മുകളിലെയും ഹെല്ത്ത് ക്ലബുകളിലെയും ഫീസ്, ഫോട്ടോഗ്രാഫറുടെ സേവനം, പന്തല് വാടക, തറവാടക, കാറ്ററിങ് സര്വീസ് എന്നിവയുടെയെല്ലാം നിരക്ക് കൂടി.
ചരക്കുസേവനനികുതി വരുന്നതോടെ നികുതി 17-18 ശതമാനമായി ഉയര്ന്നേക്കാം. ഒറ്റയടിക്ക് അത്രയും നികുതി കൂടുന്നതിന്റെ ആഘാതം ഘട്ടംഘട്ടമായുള്ള സേവനനികുതി വര്ധന കുറയ്ക്കുമെന്നാണ് വിദഗ്ധരുടെ വിലയിരുത്തല്.
https://www.facebook.com/Malayalivartha
