കണ്ണീരടക്കാനാവാതെ... മഹാദേവികാട് വലിയകുളങ്ങര ദേവീക്ഷേത്രത്തിലെ കെട്ടുകാഴ്ച കുതിര അഴിച്ചുമാറ്റുന്നതിനിടെയുണ്ടായ അപകടത്തിൽപ്പെട്ട് ചികിത്സയിലായിരുന്ന യുവാവ് മരിച്ചു. കാർത്തികപ്പള്ളി ചെറുകീരത്ത് സുരേഷ്‌കുമാർ (42) ആണ് മരിച്ചത്.

അശ്വതി ഉത്സവത്തിനോടനുബന്ധിച്ച് ക്ഷേത്ര വളപ്പിൽ എത്തിച്ച പുതുക്കുണ്ടം കുതിര അഴിച്ചുമാറ്റുന്ന ജോലികളിൽ ഏർപ്പെട്ടിരിക്കെയായിരുന്നു അപകടം സംഭവിച്ചത്. ഉയരത്തിൽ നിന്നും താഴേക്ക് വീണ സുരേഷിനെ ഉടൻ തന്നെ വണ്ടാനം മെഡിക്കൽ കോളജ് ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണം സംഭവിക്കുകയായിരുന്നു. ചൊവ്വാഴ്ചയായിരുന്നു അപകടം നടന്നത്.

പുതുക്കുണ്ടം കുതിര കമ്മിറ്റിയുടെ ഖജാൻജിയായി പ്രവർത്തിച്ചു വരികയായിരുന്നു. അവിവാഹിതനായിരുന്നു. സംസ്കാരം ഇന്ന് വൈകുന്നേരം മൂന്നിന് വീട്ടുവളപ്പിൽ. നടക്കും..