മൈക്രോഫിനാന്സ് തട്ടിപ്പുക്കേസില് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ നിയമോപദേശം കിട്ടിയാലുടന് അറസ്റ്റു ചെയ്യാന് ഉത്തരവ്
മൈക്രോ ഫിനാന്സ് തട്ടിപ്പുകേസില് വിജിലന്സ് ഡയറക്ടര് ജേക്കബ് തോമസ് വെള്ളാപ്പള്ളി നടേശനെതിരെ കേസ് രജിസ്റ്റര് ചെയ്യാന് ഉത്തരവിട്ടെന്നു റിപ്പോര്ട്ടുകള്. മൈക്രോഫിനാന്സ് ഇടപാടില് കോടികളുടെ തട്ടിപ്പു നടന്നെന്ന കേസില് എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശനെ ഒന്നാംപ്രതിയാക്കി കേസ് രജിസ്റ്റര് ചെയ്യാന്നാണു ഉത്തരവിട്ടിരിക്കുന്നത്.
വിജിലന്സ് പ്രത്യേകസംഘം അടുത്തയാഴ്ച തിരുവനന്തപുരം വിജിലന്സ് കോടതിയില് സമര്പ്പിക്കുന്ന റിപ്പോര്ട്ടില് വെള്ളാപ്പള്ളിക്കെതിരേ ഗൂഢാലോചന, വ്യാജരേഖ, വഞ്ചനാക്കുറ്റം, പണാപഹരണം എന്നിവയ്ക്കുപുറമേ അഴിമതി നിരോധനനിയമവും ചുമത്തും. അതിനുശേഷം വിജിലന്സ് കോടതി മുമ്പാകെ എഫ്.ഐ.ആര്. സമര്പ്പിക്കും. 15 കോടിയോളം രൂപയുടെ തട്ടിപ്പുകേസാണു വെള്ളാപ്പള്ളി അഭിമുഖീകരിക്കുന്നത്.
വെള്ളാപ്പള്ളിയെ കൂടാതെ യോഗം പ്രസിഡന്റ് ഡോ. എം.എന്. സോമന്, മൈക്രോഫിനാന്സ് കോര്ഡിനേറ്റര് കെ.കെ. മഹേശന്, സംസ്ഥാന പിന്നാക്ക വികസന കോര്പറേഷന് മുന് മാനേജിങ് ഡയറക്ടര് എസ്. നജീബ് എന്നിവരാണു മറ്റു പ്രതികള്. പിന്നാക്ക വികസന കോര്പറേഷനിലെ ഉന്നതരുടെ ഒത്താശയോടെ നടന്ന കോടികളുടെ അഴിമതി അന്വേഷിക്കണമെന്നാവശ്യപ്പെട്ടു വി.എസ് അച്യുതാനന്ദന് നല്കിയ കത്തിന്റെ അടിസ്ഥനത്തിലാണ് വിജിലന്സ് അന്വേഷണമാരംഭിച്ചത്.
15 കോടിയോളം രൂപ എസ്.എന്.ഡി.പി. യോഗത്തിനു പിന്നാക്ക വികസന കോര്പറേഷന് വായ്പ നല്കി. ഈ തുക യോഗം എസ്എന്ഡിപി ശാഖകള് വഴി വിതരണം ചെയ്തത് അമിതപലിശയ്ക്കായിരുന്നു. അഞ്ചു ശതമാനത്തില് താഴെ പലിശയേ ഈടാക്കാവൂ എന്ന വ്യവസ്ഥ മറികടന്ന് 10-15% പലിശ ഗുണഭോക്താക്കളില്നിന്ന് ഈടാക്കി. വായ്പ അംഗങ്ങള്ക്കു നേരിട്ടു നല്കാതെ വെള്ളാപ്പളളിയുടെ പേരിലുള്ള ചെക്കായാണു നല്കിയത്. ആനുകൂല്യം കൈപ്പറ്റിയ സ്വാശ്രയസംഘങ്ങളുടെ സാക്ഷ്യപത്രവും ഗ്രൂപ്പ് ഫോട്ടോയും ഉള്പ്പെടെയുള്ള രേഖകള് കോര്പറേഷനില് ഹാജരാക്കണമെന്ന വ്യവസ്ഥയും പാലിക്കപ്പെട്ടില്ല.
ഇക്കാര്യത്തില് ഗുരുതരവീഴ്ചയാണു കോര്പറേഷന്റെ ഭാഗത്തുനിന്നുണ്ടായതെന്നു റിപ്പോര്ട്ടില് പറയുന്നു.ക്രമവിരുദ്ധമായ ഇടപാട് ശ്രദ്ധയില്പെട്ടിട്ടും നടപടിയെടുക്കാതെ, 2015-ല് കോര്പറേഷന് അഞ്ചുകോടി രൂപകൂടി വായ്പ നല്കി. അന്വേഷണ റിപ്പോര്ട്ടിന്റെ കരട് ഒന്പതിനു മുമ്പു സമര്പ്പിക്കാനാണു വിജിലന്സ് ഡയറക്ടറുടെ നിര്ദേശം. പഴുതുകളടച്ച അന്വേഷണമാകണം നടത്തേണ്ടതെന്നും കോടതിയിലെത്തുമ്പോള് തെളിവുകളുടെ അഭാവമുണ്ടാകരുതെന്നും അദ്ദേഹം കര്ശനനിര്ദേശം നല്കിയതായതുമാണ് ദിനപ്പത്രം റിപ്പോര്ടട്ട് ചെയ്തിരിക്കുന്നത്
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
