ഒന്നിനു പിറകെ ഒന്നായി ശരിയാക്കാനിരിക്കെ എംഡി അവധിയെടുത്തു മുങ്ങി, കെഎസ്ആര്ടിസി ജീവനക്കാരുടെ ഓണം പാതിവഴിയില്, പെന്ഷനും, ശമ്പളവും അടക്കം 200 കോടിയുടെ കടം
എല്ലാ മാസവും ജീവനക്കാര്ക്ക് ശമ്പളവും ബോണസും മറ്റും കൊടുക്കാന് ബുദ്ധിമുട്ടുന്ന കെഎസ് ആര്ടിസി ജീവനക്കാരുടെ ഇത്തവണത്തെ ഓണം പട്ടിണിയിലാവുമെന്നുറപ്പായി. ഓണക്കാലത്തെ ആനുകൂല്യങ്ങളും ശമ്പളവും പെന്ഷനും നല്കാന് നെട്ടോട്ടമോടുന്നതിനിടെയാണ് കെ.എസ്.ആര്.ടി.സി.യെ കൂടുതല് പ്രതിസന്ധിയിലാക്കിക്കൊണ്ട് എം.ഡി. ആന്റണി ചാക്കോ അവധിയില് പ്രവേശിച്ചത്. മുന്സര്ക്കാര് നിയമിച്ച ഉദ്യോഗസ്ഥനായ ആന്റണി ഇനിയും കടം വാങ്ങി മുന്നോട്ടു പോകാന് തയ്യാറല്ലെന്ന് അറിയിച്ച് ചുമതല ജനറല് മാനേജര് ആര്.സുധാകരനു കൈമാറിയ ശേഷം 20 ദിവസത്തെ അവധിയില് പ്രവേശിച്ചിരിക്കുകയാണ്.
അടിയന്തര ആവശ്യമെന്ന നിലയില് 200 കോടിയോളം രൂപ കടം വാങ്ങേണ്ട സാഹചര്യമാണ് വകുപ്പില് നിലവിലുള്ളത്. ശമ്പളവും പെന്ഷനും മുടങ്ങാതെ നോക്കേണ്ട ബാധ്യത ഇതോടെ സര്ക്കാരിനുമേല് വന്നിട്ടുണ്ട്. ആഗസ്റ്റിലെ ശമ്പളം, സപ്തംബറിലെ പെന്ഷന്, ശമ്പള അഡ്വാന്സ്, ഉത്സവബത്ത എന്നിവയ്ക്കാണ് ഉടന് പരിഹാരം കാണേണ്ടത്. ഓണാവധി കഴിഞ്ഞാല് ദിവസങ്ങള്ക്കുള്ളില് സപ്തംബറിലെ ശമ്പളവും നല്കേണ്ടിവരും. ഇങ്ങനെ ഒന്നിന് പിറകേ മറ്റൊന്നായി പ്രതിസന്ധികളാണ് കെഎസ്ആര്ടിസിയെ കാത്തിരിക്കുന്നത്.
യു.ഡി.എഫ്. സര്ക്കാരിന്റെ അവസാനസമയത്ത് കെ.എസ്.ആര്.ടി.സി. ഏര്പ്പെട്ട കരാറുകള് പുനഃപരിശോധിക്കണമെന്നും അഴിമതിയാരോപണങ്ങളില് അന്വേഷണം വേണമെന്നും കെ.എസ്.ആര്.ടി.ഇ.എ.(സിഐടി.യു.) ആവശ്യപ്പെട്ടിരുന്നു. ഇതുസംബന്ധിച്ച് മുഖ്യമന്ത്രിക്കു കത്തുനല്കിയിട്ട് രണ്ടുമാസം കഴിയുമ്പോഴും ഇതുവരെയും നടപടി ഉണ്ടായിട്ടില്ല. ശമ്പളം മുടങ്ങിയതിന്റെ പേരില് മുമ്പു പ്രതിഷേധിച്ച ഇടതു സംഘടനകള് ഇപ്പോള് അതേ അവസ്ഥയുണ്ടായിട്ടും നിശ്ശബ്ദതപാലിക്കുകയാണ്. പെന്ഷന്ബാധ്യത ഏറ്റെടുക്കാനാകില്ലെന്ന സര്ക്കാര് പ്രഖ്യാപനവും ഇടതു സംഘടനകളെ കുരുക്കിലാക്കി.
സ്പെയര്പാര്ട്ട് ക്ഷാമം, പ്രതിദിന വരുമാനത്തിലെ കുറവ്, ഷെഡ്യൂള് വെട്ടിക്കുറയ്ക്കല്, സാമ്പത്തിക പ്രതിസന്ധി ഇവയിലൊന്നും പ്രതികരിക്കാന് കഴിയാത്ത അവസ്ഥയിലാണ് ഇടതു സംഘടനകള്. ഇതുവരെ കെഎസ്ആര്ടിസിയെ മുന്നോട്ടു കൊണ്ടുപോയ രണ്ട് ഉദ്യോഗസ്ഥരെയും യു.ഡി.എഫ്. സര്ക്കാര് നിയമിച്ചതാണ്. യു.ഡി.എഫ്. സര്ക്കാര് നിയമിച്ച നേതൃത്വം തുടരുന്നതിനാല് ഐ.എന്.ടി.യു.സി. യൂണിയനും നേതൃത്വത്തിനെതിരെ നിലപാടു കടുപ്പിച്ചിട്ടില്ല. എംപാനല് ജീവനക്കാരെ ആശ്രയിച്ച് ഓണം സര്വീസുകള് നടത്തേണ്ട ഗതികേടിലാണ് കെ.എസ്.ആര്.ടി.സി.
https://www.facebook.com/Malayalivartha