ഈ ഓട്ടം ഒളിംമ്പിക്സില് ആയിരുന്നെങ്കില്...സയിദ് ഷറഫുദീന് ജിഫ്രി 'പാവങ്ങളുടെ ഉസൈന് ബോള്ട്ടെ'ന്നു പരിഹസിച്ചു സോഷ്യല് മീഡിയ
ഇടത്തുമാറി ഞെരിഞ്ഞമര്ന്ന് എല്ലാ ചുവടും മാറിയിട്ടും ഒടുവില് തല്ല്തലയില് എത്തിയാല് 18മത്തെ അടവ്.
'ഒരു ഇന്ത്യന് പ്രണയകഥ' എന്ന സത്യന് ചിത്രത്തിലെ രംഗം ശരിക്കും കേരള രാഷ്ട്രീയത്തില് സംഭവിച്ചത് ആഘോഷിക്കുകയാണു സൈബര് ലോകം. സംസ്ഥാന സര്ക്കാരിന്റെ വിദ്യാഭ്യാസ നയത്തിനെതിരെ തിങ്കളാഴ്ച കോഴിക്കോട്ട് നടന്ന മാര്ച്ചിനിടെയാണ് സംഭവം.
കോഴിക്കോട്ടെ വിദ്യാഭ്യാസ ഉപഡയറക്ടറുടെ ഓഫീസിലേക്കായിരുന്നു പാഠപുസ്തക വിതരണം വൈകിയതിലുള്ള മാര്ച്ച്. ജാഥ നയിച്ചെത്തി ഉശിരോടെ പ്രസംഗിച്ചത് എംഎസ്എഫ് നേതാവ് സയ്യിദ് ഷറഫുദീന് ജിഫ്രിയായിരുന്നു. പ്രതിഷേധം നടക്കുന്നതിനിടെ കുറച്ചു സമരക്കാര് മറ്റൊരു വഴിയിലൂടെ ഓഫീസിനുള്ളില് കടന്ന് അവകാശപത്രിക സമര്പ്പിച്ചു. ബാരിക്കേഡ് കടന്ന് പുറത്തു വരണമെന്ന് പ്രവര്ത്തകര് വാശിപിടിച്ചതോടെ സ്ഥലത്ത് സംഘര്ഷാവസ്ഥയുമായി. ഇതോടെ പൊലീസ് ലാത്തി വീശി.
പൊലീസുകാര് ലാത്തി എടുത്തതോടെയാണു സത്യന് അന്തിക്കാടു ചിത്രത്തിലെ രംഗം ശരിക്കും കണ്ടത്. അയ്മനം സിദ്ധാര്ഥിന്റെ ഓട്ടം ജിഫ്രി ഏറ്റെടുക്കുകയായിരുന്നു. ഫഹദ് ഫാസില് ആയിരുന്നു ചിത്രത്തിലെ അയ്മനം. ജിഫ്രി അതിലും മികച്ച ഓട്ടമായിരുന്നുവെന്നാണു സൈബര് ലോകം വിലയിരുത്തുന്നത്. ഉശിരന് പ്രസംഗത്തിനൊടുവിലാണു നേതാവിന്റെ ഓട്ടമെന്നതും ചിരി പടര്ത്താന് ഇടയാക്കി.
'മുസ്ലിം വിദ്യാര്ത്ഥി ഫെഡറേഷന് കൃത്യമായ ചരിത്രമുണ്ട്. ഞങ്ങള് സമരത്തിനിറങ്ങിയാല് വിജയം കണ്ടേ ഞങ്ങള് മടങ്ങാറുള്ളൂ. പിന്തിരിഞ്ഞോടിയ ചരിത്രം ഞങ്ങള്ക്കില്ല. തിരിഞ്ഞോടാന് ഞങ്ങള് സമരത്തിന് വരികയുമില്ല. പാഠപുസ്തകം ഇന്നുവരെ വിതരണം ചെയ്യാത്ത കേരള സര്ക്കാരിന്റെ തെറ്റായ സമീപനത്തെ തിരുത്തുന്നത് വരെ ഞങ്ങളീ സമരരംഗത്ത് ഉണ്ടാകും....' എന്നു പറഞ്ഞ നേതാവ് തൊട്ടുപിന്നാലെ സ്ഥലം കാലിയാക്കുകയായിരുന്നു. പൊലീസ് ലാത്തി പുറത്തെടുത്തതിന് പിന്നാലെ എല്ലാവര്ക്കും മുമ്പ് എംഎസ്എഫ് നേതാവ് ശരവേഗത്തില് ഓടി രക്ഷപ്പെടുകയായിരുന്നു. വീഡിയോ വൈറലായതോടെ 'പാവങ്ങളുടെ ഉസൈന് ബോള്ട്ട്' എന്ന വിശേഷണവും ചിലര് നേതാവിന് ചാര്ത്തി നല്കി. അടി വന്നാല് തോമസുകൂട്ടീ...
https://www.facebook.com/Malayalivartha