മരുന്നു കമ്പനികള് കൂച്ചുവിലങ്ങിട്ടു... ഋഷിരാജ് സിംഗിനെ എക്സൈസ് കമ്മീഷണര് സ്ഥാനത്തു നിന്നും നീക്കാന് ശ്രമം
കൈകാര്യം ചെയ്ത വകുപ്പുകളിലൊക്കെ ജനോപകാരപ്രദമായ നടപടികളലൂടെ ശ്രദ്ധേയനായ ഉദ്യോഗസ്ഥനാണ് ഋഷിരാജ് സിംഗ്. എക്സൈസ് കമ്മീഷണറായപ്പോഴും അതിന് മാറ്റ് കൂട്ടിയതേയുള്ളൂ. ലഹരിയ്ക്കെതിരെ കര്ശന നടപടികളാണ് സിംഗ് കൈക്കൊണ്ടത്. മെഡിക്കല് സ്റ്റോറിന്റെ മറവിലൂടെയുള്ള ലഹരി മരുന്നു വില്പനയ്ക്ക് അന്ത്യം കുറിക്കാനുള്ള ശ്രമത്തിലായിരുന്നു സിംഗ്. പക്ഷെ അപ്പോഴേക്കും മരുന്നു ലോബി സിംഗിനെതിരെ ആഞ്ഞടിച്ചു.
അവര് നേരിട്ട് പ്രബല മന്ത്രിമാരെ കണ്ട് സിംഗിനെ മാറ്റണമെന്നാവശ്യപ്പെട്ടു കഴിഞ്ഞു. മന്ത്രിമാരെപ്പോലെ പെരുമാറേണ്ട. ഇവിടെ ഭരിക്കാന് മുഖ്യമന്ത്രിയുണ്ടെന്ന് സിംഗിനോട് അവര് നേരിട്ട് പറയുകയും ചെയ്തു. ഇതില് അസ്വസ്ഥനാണ് ഋഷിരാജ് സിംഗ്.
സിംഗിന്റെ അടുത്തിടെയുള്ള 14 സെക്കന്റ് പ്രയോഗവും ഏറെ ശ്രദ്ധ നേടിയിരുന്നു. പതിനാല് സെക്കന്ഡ് നേരം പെണ്കുട്ടികളെ തുറിച്ചു നോക്കിയാല് കേസെടുക്കുമെന്ന ഋഷിരാജ് സിംഗിന്റെ പ്രസ്താവനയോട് അനുകൂലിച്ചു പ്രതികൂലിച്ചും നിരവധി പേരായിരുന്നു രംഗത്തെത്തിയത്.
ശല്യം ചെയ്യാന് വരുന്നവരെ ആദ്യം തന്നെ രണ്ടു പെട പെടയ്ക്കണമെന്ന് പെണ്കുട്ടികളോട് എക്സൈസ് കമ്മീഷണര് ഋഷിരാജ് സിങ് പറഞ്ഞു. ഇതിനു ശേഷം മാത്രം അവര്ക്കെതിരെ പരാതി കൊടുത്താല് മതിയെന്നും ഋഷിരാജ് സിങ് പറഞ്ഞു.
https://www.facebook.com/Malayalivartha