പതിനേഴാമത്‌ രാജ്യാന്തര ചലച്ചിത്രോത്സവത്തില്‍ മികച്ച ചിത്രത്തിനുള്ള സുവര്‍ണചകോരം ഫിലിപ്പീന്‍സ്‌ ചിത്രമായ സ്റ്റാനിനാ കരസ്‌തമാക്കി. ഇമ്മാനുവല്‍ ക്വിന്റോ പാലോയാണ്‌ ചിത്രത്തിന്റെ സംവിധായകന്‍. മികച്ച സംവിധായകനുള്ള രജതചകോരം ഇവാന്‍സ്‌ വുമണ്‍ എന്ന സ്‌പാനിഷ്‌ ചിത്രത്തിന്റെ സംവിധായക ഫ്രാന്‍സിസ്‌ക സില്‍വ നേടി. നവാഗത സംവിധായകനുള്ള രചതചകോരം ഫിലിമിസ്‌താന്റെ സംവിധായകനന്‍ നിതിന്‍ കക്കാര്‍ നേടി. മികച്ച ഏഷ്യന്‍ ചിത്രത്തിനുള്ള നെറ്റ്‌പാക്ക്‌ പുരസ്‌കാരം മലയാളിയായ കെ.എം. കമലിന്റെ ഐഡിയും മികച്ച മലയാള ചിത്രത്തിനുള്ള നെറ്റ്‌പാക്ക്‌ പുരസ്‌കാരം അരുണ്‍കുമാറിന്റെ ഈ അടുത്തകാലത്ത്‌ എന്ന ചിത്രവും നേടി.