ഉന്നതവിദ്യാഭ്യാസ സ്ഥാപനങ്ങളുടെ നിലവാരം അളക്കുന്ന ആഗോള സംവിധാനമായ ക്യു.എസ് റാങ്കിംഗിൽ കേരള സർവകലാശാലയ്ക്ക് ശ്രദ്ധേയമായ നേട്ടം.

ദക്ഷിണ ഏഷ്യയിൽ 113ാം സ്ഥാനത്തും ഏഷ്യയിൽ 460ാം സ്ഥാനത്തുമാണ്. സുസ്ഥിരത വിലയിരുത്തുന്ന റാങ്കിംഗിൽ ആഗോളതലത്തിൽ 1101- 1150 ബാന്റിൽ സ്ഥാനമുറപ്പിച്ചാണ് കേരള സർവകലാശാല ലോകനിലവാരം സാധ്യമാക്കിയത്.

പൊതു സർവകലാശാല എന്ന നിലയിൽ ആഗോളതലത്തിൽ ഇത്തരമൊരു നേട്ടം കൈവരിക്കാനായത് സർവകലാശാലയുടെ പഠന, ഗവേഷണ, വിജ്ഞാന വ്യാപന പ്രവർത്തനങ്ങൾക്കുള്ള അംഗീകാരമാണ്. മുൻവർഷങ്ങളിലായി നേടിയ നാക് എ++, എൻ.ഐ.ആർ.എഫ് തുടങ്ങിയ ദേശീയ അംഗീകാരങ്ങളുടെ തുടർച്ചയായാണ് ഈ നേട്ടം ലഭ്യമായത്.