ദേശീയ- സംസ്ഥാന പാതയോരത്തെ മദ്യശാലകള് മാറ്റുന്ന നടപടി 'ബെവ്കോ' മരവിപ്പിച്ചു
ദേശീയ- സംസ്ഥാന പാതയോരത്തെ മദ്യവില്പന ശാലകള് മാറ്റിസ്ഥാപിക്കുന്ന നടപടി ബവ്റിജസ് കോര്പറേഷന് മരവിപ്പിച്ചു. മദ്യശാലകള് മാറ്റുന്നതിന് സമയം നീട്ടിച്ചോദിച്ചുകൊണ്ടുള്ള ഹര്ജിയില് സുപ്രീംകോടതി തീര്പ്പുകല്പ്പിക്കുന്നതുവരെ നടപടി വേണ്ടന്നാണ് തീരുമാനം.
ബിയര്വൈന് പാര്ലറുകളും ഹോട്ടലുകളും മാറ്റുന്നകാര്യത്തിലും കോടതിവിധിക്കുശേഷമേ തീരുമാനമാകൂ. മദ്യവില്പനശാലകള് മാറ്റുന്നതിന് സുപ്രീംകോടതി നല്കിയ സമയപരിധി തീരാന് ഒരാഴ്ചമാത്രമാണ് അവശേഷിക്കുന്നത്. ഇതുപോലെയുള്ള ജനകീയ പ്രതിഷേധമാണ് ചില്ലറ വില്പനശാലകള് മാറ്റിസ്ഥാപിക്കുന്നതിന് ബവ്കോയ്ക്ക് പ്രധാന തടസമായത്. പകരം കണ്ടെത്തിയ പുതിയ സ്ഥലങ്ങളില് പ്രവര്ത്തനം തുടങ്ങാന് കഴിയാത്തതോടെ നിലവിലുള്ള സ്ഥലങ്ങളില് തന്നെയാണ് ഭൂരിഭാഗവും പ്രവര്ത്തിക്കുന്നത്.
ബവ്കോയുടെ 155 എണ്ണവും കണ്സ്യൂമര് ഫെഡിന്റെ 29 എണ്ണവുമാണ് ഇനി മാറ്റിസ്ഥാപിക്കേണ്ടത്. സമയം നീട്ടിനല്കണമെന്നാവശ്യപ്പെട്ടുകൊണ്ടുള്ള ഹര്ജി സുപ്രീംകോടതിയുടെ പരിഗണനയ്ക്ക് വരുന്നത് ഈ മാസം 27 നാണ്. അതിനുശേഷം മാത്രം ഇക്കാര്യത്തില് തുടര്നടപടി മതിയെന്നാണ് ബവ്കോയുടെ നിലപാടും.
സുപ്രീംകോടതി വിധി എതിരായായല് നിലവിലുള്ളവയുടെ പ്രവര്ത്തനം നിര്ത്തിവെക്കും. അതിനുശേഷം സ്ഥലം കിട്ടുന്ന മുറയ്ക്ക് ഇവ മാറ്റി സ്ഥാപിക്കും. ചില്ലറ വില്പനശാലകള് പൂട്ടിയാല് പ്രതിമാസം 600 കോടിയുടെ നഷ്ടമാണ് സര്ക്കാരിനുണ്ടാകുന്നതെന്നാണ് ബെവ്കോ സര്ക്കാരിന് നല്കിയ റിപ്പോര്ട്ടില് പറയുന്നത്. ദേശീയപാതയോരത്തുനിന്നുള്ള ബിയര് വൈന് പാര്ലറുകള് ഉള്പ്പെടെയുള്ളവ വിധിയില് വരില്ലെന്ന എ.ജിയുടെ നിയമോപദേശം ഉണ്ടെങ്കിലും, ഇക്കാര്യത്തിലും വ്യക്തത കോടതി വരുത്തട്ടേ എന്നതാണ് സര്ക്കാരിന്റെ തീരുമാനം.
https://www.facebook.com/Malayalivartha
