ജേക്കബ് തോമസിന്റ പുസ്തകം തീക്കളി; വിപണിയില് നിന്നും പിന്വലിച്ചേക്കും
ജേക്കബ് തോമസ് തീക്കൊള്ളികൊണ്ട് തല ചൊറിയുന്നുവോ. ഡി ജി പി ജേക്കബ് തോമസ് എഴുതിയ സ്രാവുകള്ക്കൊപ്പം നീന്തുമ്പോള് എന്ന പുസ്തകം വിപണിയില് നിന്നും പിന്വലിച്ചേക്കും. മുന് മന്ത്രി കെ.സി.ജോസഫിന് പിന്നാലെ സി പി ഐ യും ജേക്കബ് തോമസിനെതിരെ മുഖ്യമന്ത്രിയെ സമീപിക്കാന് ഒരുങ്ങുകയാണ്. ഔദ്യോഗിക രഹസ്യ നിയമത്തിന്റെ ദുരുപയോഗം ചൂണ്ടികാണിച്ച് ആയിരിക്കും നടപടിയുണ്ടാകും. പ്രകാശന ചടങ്ങില് നിന്നും മാറി നില്ക്കണമെന്ന് കഴിഞ്ഞ ദിവസം നിയമവകുപ്പ് സെക്രട്ടറി മുഖ്യമന്ത്രിക്ക് നിര്ദ്ദേശം നല്കിയിരുന്നു. ഉമ്മന് ചാണ്ടി സര്ക്കാരിന്റെ കാലത്ത് അഡ്വക്കേറ്റ് ജനറലായിരുന്ന ദണ്ഡപാണിയുടെ നോമിനിയാണ് നിയമസെക്രട്ടറിയും ജില്ലാ ജഡ്ജിയുമായ ബി.ജി.ഹരീന്ദ്രനാഥ്. സര്ക്കാര് മാറിയിട്ടും അദ്ദേഹത്തെ മാറ്റാത്തത് അദ്ദേഹത്തിന്റെ കഴിവ് കാരണമാണ്. മുന് ചീഫ് ജസ്റ്റിസ് പയസ് കുര്യാക്കോസിനെ വരെ ആക്ഷേപിക്കുന്ന പുസ്തകം പ്രകാശനം ചെയുന്നത് മുഖ്യമന്ത്രിയുടെ അന്തസിന് യോജിച്ച കാര്യമല്ലെന്നാണ് നിയമ സെക്രട്ടറി മുഖ്യമന്ത്രിയെ അറിയിച്ചത്.
സി.ദിവാകരനെതിരെ അധിക്ഷേപകരമായ പരാമര്ശങ്ങളാണ് ജേക്കബ് തോമസിന്റെ പുസ്തകത്തിലുള്ളത്. ദിവാകരനെ പോലൊരു നേതാവിനെ അധിക്ഷേപിച്ച ചടങ്ങില് പങ്കെടുക്കരുതെന്ന് സി പി ഐ മുഖ്യമന്ത്രിയോട് പറഞ്ഞില്ല. എന്നാല് കാനം കോടിയേരിയുമായി ഇക്കാര്യം സംസാരിച്ചു. ഉമ്മന് ചാണ്ടിക്കും ആര്.ബാലകൃഷ്ണ പിളളുമെതിരെ പുസ്തകത്തില് പരാമര്ശമുണ്ട്.
സര്ക്കാര് ഉദ്യോഗസ്ഥര് സര്ക്കാര് സംവിധാനങ്ങളില് നിന്നും തനിക്ക് ലഭിക്കുന്ന വിവരങ്ങള് ഉപയോഗിച്ച് പുസ്തകം എഴുതുമ്പോള് അതിന് സര്ക്കാരിന്റെ അനുമതി വാങ്ങിയിരിക്കണം എന്ന മിനിമം നിയമമാണ് ജേക്കബ് തോമസ് ലംഘിച്ചിരിക്കുന്നത്. നൂറ്റാണ്ടുകളുടെ അനുഭവപരിചയമുള്ള നേതാക്കളെ അഴിമതിക്കാരാകാന് ആരാണ് ജേക്കബ് തോമസിന് അനുവാദം നല്കുന്നത്? അദ്ദേഹം വിജിലന്സ് ഡയറക്ടറായി ചുമതലയേറ്റ സന്ദര്ഭത്തില് അദ്ദേഹം എന്താണ് ചെയ്തത്. ഒരു അഴിമതിയെങ്കിലും കണ്ടെത്തിയോ?
ഏതായാലും പുതിയ കളി തീക്കളിയാകും. പുസ്തകത്തിന്റെ പേരില് ലഭിച്ച എല്ലാ പബ്ളിസിറ്റിയും കോടതി കയറും. സി.ദിവാകരനും മറ്റുള്ളവരും മാനനഷ്ടം ഫയല് മറുപടി പറയേണ്ട ബാധ്യത ജേക്കബ് തോമസിന് മാത്രമായിരിക്കും.
https://www.facebook.com/Malayalivartha