ജീവനില് കൊതിയുളളവര് മാങ്ങ കഴിക്കരുത്
റോഡരികില് വില്പ്പന നടത്തുന്ന മാമ്പഴം വാങ്ങി കഴിക്കാതിരിക്കാന് പ്രത്യേകം ശ്രദ്ധിക്കുക. കാരണം ശരീരത്തിന് അത്യന്തം ദോഷകരമായ കാല്സ്യം കാര്ബൈഡ് ഉപയോഗിച്ചാണ് മാമ്പഴം പഴുപ്പിക്കുന്നത്. കേരളത്തിലെ വിവിധ സ്ഥലങ്ങളില് വിഷ മാങ്ങ വില്പനക്കെടുത്തിട്ടുണ്ടെന്നാണ് റിപ്പോര്ട്ട്. നഗരസഭാ ഉദ്ദ്യോഗസ്ഥര് മാങ്ങ കണ്ടെത്താന് തിരച്ചില് വ്യാപകമാക്കിയിട്ടുണ്ടെന്ന് പറയുന്നുണ്ടെങ്കിലും ഉദ്ദ്യോഗസ്ഥര്ക്ക് പണം കാണുമ്പോള് കണ്ണ് മഞ്ഞളിക്കും.
വിഷമാങ്ങ വില്പനക്കെത്തിയതിനെ തുടര്ന്ന് ഭക്ഷ്യസുരക്ഷാ കമ്മീഷണര് ചിലയിടങ്ങളിലും പരിശോധന നടത്തുന്നുണ്ട്. സാമ്പിള് ശേഖരിച്ച മാങ്ങകളില് വിഷാംശം കണ്ടെത്തിയിട്ടുണ്ടെന്ന് അറിയുന്നു. രാസപരിശോധനയ്ക്ക് അയച്ചിരിക്കുയാണ്. പാകമാകാത്ത മാങ്ങയാണ് കാര്ബൈഡ് ഉപയോഗിച്ച് പഴുപ്പിക്കുന്നത്. തമിഴ്നാട്, കര്ണാടക, സംസ്ഥാനങ്ങളില് നിന്നാണ് കാര്ബൈഡ് മാങ്ങകള് കേരളത്തിലെത്തുന്നത്. ചില വ്യാപാരികള് പച്ചമാങ്ങഗോഡൗണില് സൂക്ഷിച്ച് കാര്ബൈഡ് ഉപയോഗിച്ച് പഴുപ്പിക്കുമെന്നും വിവരമുണ്ട്. എന്നാല് ഇത്തരക്കാരുടെ ഗോഡൗണുകള് പരിശോധിക്കാന് യാതൊരു സംവിധാനവും നിലവിലില്ല.
വിഷമാങ്ങക്കെതിരെ കര്ശന നടപടി സ്വീകരിക്കുമെന്നാണ് ഭക്ഷ്യസുരക്ഷാ ഉദ്യോഗസ്ഥര് വീമ്പിളക്കുന്നുണ്ടെങ്കിലും യാതൊരു നടപടികളും സ്വീകരിക്കുന്നില്ല. പേരിന് മാത്രം കടകളില് പരിശോധന നടക്കുന്നുണ്ട്. പണമുളളവര്ക്ക് രക്ഷപ്പെടാനുളള പഴുതുകള് നിരത്തിയാണ് ഭക്ഷ്യസുരക്ഷാവകുപ്പ് പരിശോധന നടത്തുന്നത്. ചുരുക്കത്തില് ജീവനില് കൊതിയുളളവര് മാങ്ങ കഴിക്കാതിരിക്കുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
