ഗംഗേശാനന്ദ കേസ്; പെണ്കുട്ടിക്കുണ്ടായ വധഭീക്ഷണിയെ തുടര്ന്ന് സുരക്ഷ ഒരുക്കി പോലീസ്
സ്വാമി ഗംഗേശാനന്ദയുടെ ജനനേന്ദ്രിയം മുറിച്ച സംഭവവുമായി ബന്ധപ്പെട്ട കേസില് കാമുകന് അയ്യപ്പദാസില് നിന്ന് ഭീഷണിയുണ്ടെന്ന പരാതിയുടെ അടിസ്ഥാനത്തില് പെണ്കുട്ടിക്ക് പൊലീസ് സുരക്ഷ ഏര്പ്പെടുത്തി. രണ്ട് വനിതാ പൊലീസുകാരെയാണ് പെണ്കുട്ടിയുടെ സുരക്ഷയ്ക്കായി നിയോഗിച്ചിരിക്കുന്നത്. പെണ്കുട്ടി ഇപ്പോള് താമസിക്കുന്ന വീട്ടിലും ഇവര് പുറത്തിറങ്ങുമ്പോഴും പൊലീസ് ഒപ്പമുണ്ടാകും.
ഇന്നലെയാണ് അയ്യപ്പദാസിനെതിരെ പെണ്കുട്ടി പൊലീസില് പരാതി നല്കിയത്. സ്വാമിയുടെ സഹായിയായിരുന്ന അയ്യപ്പദാസ് വിവാഹവാഗ്ദാനം നല്കി പീഡിപ്പിച്ചുവെന്നും സാമ്പത്തിക തട്ടിപ്പു നടത്തിയെന്നുമാണ് പെണ്കുട്ടിയുടെ പുതിയ പരാതി. അയ്യപ്പദാസില്നിന്ന് ജീവന് ഭീഷണിയുണ്ടെന്നും പെണ്കുട്ടി പൊലീസിനെ അറിയിച്ചു. തന്റെ മാതാപിതാക്കളില് നിന്ന് ആറ് ലക്ഷവും സ്വാമിയില് നിന്ന് എട്ട് ലക്ഷം രൂപയും കാമുകന് തട്ടിയെടുത്തെന്നാണ് പെണ്കുട്ടി പറയുന്നത്. ജീവന് ഭീഷണിയുണ്ടെന്ന് അറിയിച്ചതിനെതുടര്ന്നാണ് പൊലീസ് സുരക്ഷ ഏര്പ്പെടുത്തിയത്. പെണ്കുട്ടി ഇന്നലെ സ്വാമിയെ മെഡിക്കല് കോളേജിലെത്തി സന്ദര്ശിച്ചിരുന്നു. ആശുപത്രിയിലെ പൊലീസ് സെല്ലില് സ്വാമിയെ സന്ദര്ശിച്ച പെണ്കുട്ടി പൊട്ടിക്കരഞ്ഞതായി ചില റിപ്പോര്ട്ടുകള് വരുന്നുണ്ടെങ്കിലും അതിന് സ്ഥിരീകരണമില്ല.
അതേസമയം, കേസമായി ബന്ധപ്പെട്ട് കോടതിയില് നിന്നുള്ള നിര്ദ്ദേശാനുസരണം തുടര് നടപടി സ്വീകരിക്കാനാണ് പൊലീസ് തീരുമാനം. പെണ്കുട്ടി മാതാപിതാക്കളുടെ തടങ്കലിലാണെന്ന് കാട്ടി അയ്യപ്പദാസ് കഴിഞ്ഞദിവസം ഹൈക്കോടതിയില് ഹേബിയസ് കോര്പസ് സമര്പ്പിച്ചിരുന്നു. താന് മാതാപിതാക്കള്ക്കൊപ്പം തിരുവനന്തപുരത്ത് സുരക്ഷിതയായി വീട്ടില് താമസിക്കുകയാണെന്ന് പെണ്കുട്ടി പൊലീസിനെ അറിയിച്ചു. കാമുകന് അയ്യപ്പദാസ് നിര്ബന്ധിച്ചിട്ടാണ് താന് കൃത്യം ചെയ്തതെന്ന് പെണ്കുട്ടി മൊഴിമാറ്റിയിരുന്നു.
ഗംഗേശാനന്ദ കേസ് സര്ക്കാര് കഴിഞ്ഞ ദിവസം െ്രെകംബ്രാഞ്ചിന് വിട്ടിരുന്നു. ഗംഗേശാനന്ദയുടെ ജാമ്യാപേക്ഷ ഇന്നലെ പോക്സോ കോടതി തള്ളിയിരുന്നു ആരോഗ്യനില മോശമായതിനാല് ജാമ്യം നല്കണമെന്നായിരുന്നു ഗംഗേശാനന്ദയുടെ അഭിഭാഷകന് വാദിച്ചത്. ജാമ്യം നല്കുന്നത് തുടരന്വേഷണത്തെ ബാധിക്കുമെന്ന് പ്രോസിക്യൂഷന് ചൂണ്ടിക്കാട്ടി. അടിക്കടി മൊഴിമാറ്റുന്ന സാഹചര്യത്തില് പെണ്കുട്ടിയെ നുണ പരിശോധനയ്ക്കും ബ്രെയിന് മാപ്പിംഗിനും വൈദ്യപരിശോധനയ്ക്കും വിധേയമാക്കണമെന്ന പൊലീസിന്റെ ആവശ്യം കോടതി അംഗീകരിച്ചു. എന്നാല്, ഇതിന് പെണ്കുട്ടിയുടെ സമ്മതം വേണം. നാളെ കോടതിയില് നേരിട്ട് ഹാജരായി നിലപാട് അറിയിക്കണമെന്നും കോടതി അറിയിച്ചു.
https://www.facebook.com/Malayalivartha
