അന്ന് അമ്മയ്ക്ക് കത്ത് നല്‍കിയത് സംഘടനയുടെ നല്ല നടത്തിപ്പിന് വേണ്ടിയായിരുന്നു എന്ന് ഗണേഷ് കുമാര്‍. അന്ന് കത്ത് ചര്‍ച്ച ചെയ്‌തെന്നും ഇന്ന് കത്തിന് പ്രസക്തിയില്ലെന്നും ഗണേഷ് കുമാര്‍ പറഞ്ഞു. കത്തിനെ അനുകൂലിച്ച എക്‌സിക്യൂട്ടിവ് കാര്യങ്ങളൊക്കെ ചര്‍ച്ച ചെയ്‌തെന്നും ഉന്നയിച്ച വിഷയങ്ങള്‍ പരിഹരിക്കുമെന്ന് ഉറപ്പുകിട്ടിയെന്നും ഗണേഷ് പറഞ്ഞു.

കത്ത് പുറത്തുവിട്ടത് താനല്ലെന്നും സംഘടനയിലെ നെറിയില്ലാത്ത ആരോ ആണെന്നും ഗണേഷ് പറഞ്ഞു. ആക്രമിക്കപ്പെട്ട നടിക്ക് നീതി കിട്ടിയില്ലെന്ന വാദം ശരിയല്ലെന്നും ഗണേഷ് കുമാര്‍ കൂട്ടിച്ചേര്‍ത്തു.

നടി ആക്രമിക്കപ്പെട്ട് ദിവസങ്ങള്‍ക്കുള്ളില്‍ ഗണേഷ് നല്‍കിയ കത്തില്‍ രൂക്ഷവിമര്‍ശനങ്ങളാണ് ഉന്നയിച്ചിരുന്നത്. പിച്ചിച്ചീന്തുന്നത് സഹപ്രവര്‍ത്തകയുടെ മാനമാണെന്നും നടി ആക്രമിക്കപ്പെട്ടത് ഗൗരവപൂര്‍വം കാണണമെന്നും ഗണേഷ് കത്തില്‍ ഉന്നയിച്ചിരുന്നു. അമ്മയുടെ കപടമാതൃത്വം പിരിച്ചുവിട്ട് താരങ്ങള്‍ എല്ലാവരും അവരവരുടെ കാര്യം നോക്കണം. അമ്മയുടെ നേത്യത്വം പൂര്‍ണ പരാജയമാണെന്നും ഗണേഷ് കുമാര്‍ അന്ന് കത്തില്‍ പറഞ്ഞിരുന്നു.