കാശുള്ളവന്‌ യാത്ര ചെയ്യാമായിരുന്ന ആഭ്യന്തര വിമാന സര്‍വീസുകള്‍ സാധാരണക്കാരിലേക്കും എത്തിക്കുകയാണ്‌ എയര്‍ ഏഷ്യ. ഇന്ത്യയുടെ ചരിത്രത്തിലെ തന്നെ ഏറ്റവും കുറഞ്ഞ നിരക്കാണ്‌ അവര്‍ തുടക്കത്തില്‍ വാഗ്‌ദാനം ചെയ്യുന്നത്‌. വെള്ളിയാഴ്‌ച ആരംഭിക്കുന്ന എയര്‍ ഏഷ്യയുടെ കൊച്ചി ബാംഗ്ലൂര്‍ സര്‍വീസിന്‌ 500 രൂപയേ ഉള്ളൂ. സര്‍വ്വീസിന്റെ തുടക്കത്തില്‍ യാത്രക്കാരെ ആകര്‍ഷിക്കുന്നതിന്റെ ഭാഗമായി പരിമിത സീറ്റുകളിലേക്കാണ് എയര്‍ ഏഷ്യ കുറഞ്ഞ ടിക്കറ്റ് നിരക്ക് പ്രഖ്യാപിച്ചിരിക്കുന്നത്.

ട്രെയിന്‍ യാത്രയെക്കാളും ബസ് യാത്രയെക്കാളും കുറഞ്ഞ നിരക്കിലാണ് എയര്‍ ഇന്ത്യ ബാഗ്ലൂര്‍ കൊച്ചി വിമാന സര്‍വ്വീസ് ആരംഭിക്കുന്നത്.

ഒക്ടോബര്‍ 25 വരെ യാണ് നികുതിയടക്കം 500 രൂപക്ക് ബാഗ്ലൂര്‍ കൊച്ചി യാത്ര നടത്താനാകുക. ഇതുവരെ വിമാന യാത്ര നടത്താത്തവരെ കൂടി ലക്ഷ്യമിട്ടാണ് എയര്‍ ഏഷ്യ ടിക്കറ്റ് നിരക്കില്‍ ഇളവ് പ്രഖ്യാപിച്ചിരിക്കുന്നത്.

കഴിഞ്ഞ ആഴ്ച പ്രവര്‍ത്തനം ആരംഭിച്ച എയര്‍ ഏഷ്യയുടെ മൂന്നാമത്തെ സര്‍വ്വീസാണ് കൊച്ചി, ബാഗ്ലൂര്‍ റൂട്ടിലേത്. ആദ്യ സര്‍വ്വീസ് ബാഗ്ലൂര്‍ , ഗോവ റൂട്ടിലായിരുന്നു. എയര്‍ ഏഷ്യയുടെ രണ്ടാമത്തെ സര്‍വ്വീസ് ചെന്നൈ, ബാഗ്ലൂര്‍ റൂട്ടിലാണ്. വ്യാഴാഴ്ച ആരംഭിക്കുന്ന സര്‍വ്വീസിന് തുടക്കത്തില്‍ 990 രൂപയാണ് ടിക്കറ്റ് നിരക്ക്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha