ചലച്ചിത്ര അക്കാദമിയില് നിന്ന് പ്രിയദര്ശനെ മാറ്റും
ചലച്ചിത്ര അക്കാദമി ചെയര്മാന് സ്ഥാനത്തു നിന്ന് പ്രിയദര്ശനെ മാറ്റും. വല്ലപ്പോഴും വന്ന് കാര്യങ്ങള് നോക്കുകയാണ് പ്രിയദര്ശന് ചെയ്യുന്നത്. അതിനാല് അക്കാദമിക്ക് ചെയര്മാന് എന്ന പദവി തന്നെ വേണ്ടെന്നാണ് അടൂര് ഗോപാലകൃഷ്ണനും ഷാജി എന്.കരുണും അടങ്ങിയ സമിതി റിപ്പോര്ട്ട് നല്കുമെന്നറിയുന്നു. കഴിഞ്ഞ മൂന്ന് ഫെസ്റ്റിവലിലും പ്രിയദര്ശന് ചെയര്മാനായിരുന്നെങ്കിലും ഫെസ്റ്റിവലിനോട് അനുബന്ധിച്ച് മാത്രമാണ് അദ്ദേഹം അക്കാദമിയില് എത്തിയിട്ടുള്ളത്. മുഴുവന് സമയ പ്രവര്ത്തനങ്ങളില് അദ്ദേഹം സഹകരിച്ചിരുന്നില്ല. പകരം ഗാന്ധിമതി ബാലനെ വൈസ് ചെയര്മാനാക്കി. അതിലൂടെ സര്ക്കാരിന് അമിത സാമ്പത്തിക ബാധ്യതതയാണ് ഉണ്ടായത്.
വിനോദ സിനിമകള് മാത്രം ചെയ്തിട്ടുള്ള പ്രിയദര്ശന് ഗൗരവമുള്ള സിനിമകളെ കുറിച്ചും അത്തരം മേഖലയില് പ്രവര്ത്തിക്കുന്നവരെ കുറിച്ചും വലിയ ധാരണയില്ല. അതിനാലാണ് അദ്ദേഹത്തെ മാറ്റാന് തീരുമാനിച്ചത്. അതേസമയം അക്കാദമിയുടെ പ്രവര്ത്തനങ്ങളുമായി സഹകരിക്കാന് പ്രിയനും വലിയ താല്പര്യമില്ല. ഗണേഷ്കുമാറിനെ മന്ത്രിസ്ഥാനത്ത് നിന്ന് മാറ്റിയതോടെ സ്ഥാനം ഒഴിയാന് സന്നദ്ധത പ്രകടിപ്പിച്ചിരുന്നു. എന്നാല് സര്ക്കാര് നിര്ബന്ധിച്ചത് കൊണ്ട് തുടരുകയായിരുന്നു. സിനിമകളുടെയും പരസ്യ ചിത്രങ്ങളുടെയും ചിത്രീകരണ തിരക്കില് നിന്ന് വിട്ട് നില്ക്കാന് പ്രിയന് സമയം ലഭിക്കുന്നില്ല.
ഇപ്പോള് കരാര് അടിസ്ഥാനത്തില് ജോലി ചെയ്യുന്ന സ്ത്രീകളുടെ കാലാവധി തീരുന്നതോടെ അവരെയും പിരിച്ചുവിടാന് മന്ത്രി തിരുവഞ്ചൂര് രാധാകൃഷ്ണന് നിര്ദ്ദേശിച്ചിട്ടുണ്ട്. അക്കാദമി സെക്രട്ടറിയുടെ തീരുമാനങ്ങള്ക്ക് വില കല്പ്പിക്കാത്തതിനെ തുടര്ന്ന് ആര്ട്ടിസ്റ്റിക്ക് ഡയറക്ടര് ബീനാപോളിനെ കഴിഞ്ഞ ദിവസം മാറ്റിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
