റ്റി.പി. കേസ് പ്രതികള്ക്ക് പൂജപ്പുരയില് കൊടിയ മര്ദനം.
തിരുവനന്തപുരം പൂജപ്പുര സെന്ട്രല് ജയിലില് പ്രവേശിപ്പിക്കപ്പെട്ട റ്റി.പി. ചന്ദ്രശേഖരന് കേസിലെ പ്രതികള്ക്ക് കൊടിയ മര്ദ്ദനം. ജയില് ഉദ്ദ്യോഗസ്ഥര്ക്ക് പകരം തിരുവനന്തപുരത്തെ പോലീസ് ക്യാമ്പുകളില് നിന്നെത്തിയ പോലീസുകാരാണ് പ്രതികളെ നന്നായി പെരുമാറിയത്. പ്രതികളുടെ മാതാപിതാക്കള് മനുഷ്യാവകാശ കമ്മീഷനെ സമീപിക്കാന് തീരുമാനിച്ചു. യാതൊരു പ്രകോപനവും ഇല്ലതെയാണ് ഇവരെ തല്ലിയതെന്ന് ബന്ധുക്കള് പറഞ്ഞു. സി.പി.എം. മര്ദ്ദനം ഏറ്റെടുക്കില്ല നിയമസഭ നടക്കുന്നുണ്ടെങ്കിലും മര്ദ്ദനം തല്ക്കാലും ഏറ്റെടുക്കേണ്ടതില്ലെന്നാണ് തീരുമാനം. ജയിലിലെ പീഡനത്തിനെതിരെ സമരം ചെയ്താല് ജനം സി.പി.എമ്മിന് എതിരാകുമെന്നാണ് പാര്ട്ടിയുടെ ഭാവം. എന്നാല് ഭരണഘടനാസ്ഥാപനമായ മനുഷ്യവകാശ കമ്മീഷന് വിഷയം ഏറ്റെടുക്കുകയാണെങ്കില് സി.പി.എം നിയമസഭയില് ഇക്കാര്യം ഉന്നയിക്കും. അതേസമയം പ്രതികള്ക്ക് ആവശ്യമായ നിയമസഹായവും മറ്റും നിര്ലോഭം നല്കാന് പാര്ട്ടി തീരുമാനിച്ചിട്ടുണ്ട്.
ഇതിനിടെ മുന്മന്ത്രി കോടിയേരി ബാലകൃഷ്ണന് ജയില് മേധാവി സെന്കുമാറിനോട് ഫോണില് സംസാരിച്ചു. ആരെയും തല്ലിയിട്ടെല്ലെന്ന മറുപടിയാണ് സെന്കുമാര് പറഞ്ഞതെങ്കിലും കോടിയേരി അദ്ദേഹത്തോട് യോജിച്ചില്ല. കേരളത്തിലെ ജയിലുകളില് നടക്കുന്നതൊക്കെ തങ്ങള്ക്കറിയാമെന്നും എല്ലാ ഉദ്ദ്യോഗസ്ഥന്മാര്ക്കും ഉമ്മന്ചാണ്ടിയോടാണ് കൂറെന്നും കോടിയേരി പരോഷമായി ഉന്നയിച്ചു. ഇതിന് സെന്കുമാര് മറുപടി പറഞ്ഞില്ല. മര്ദ്ദനം ആവര്ത്തിക്കുകയാണെങ്കില് രമേശ് ചെന്നിത്തലയോട് കോടിയേരി സംസാരിക്കും. രമേശുമായി കോടിയേരിക്ക് അടുത്ത ബന്ധമുണ്ട്. കോടിയേരി പറഞ്ഞാല് രമേശിന് നിരസിക്കാനാകില്ല.
ഏതായാലും രമേശും സെന്കുമാറും ഇക്കാര്യം സംസാരിച്ചു. ജയിലുകളില് മര്ദ്ദനം അനുവദിക്കില്ലെന്ന നിലപാടാണ് രമേശിനുളളത്. നേരത്തെ വിയ്യൂര് സെന്ട്രല് ജയിലില് മര്ദ്ദനം നടന്നപ്പോള് അവിടുത്തെ സൂപ്രണ്ടിനെ രമേശ് സ്ഥലം മാറ്റിയിരുന്നു. പിന്നീട് അദ്ദേഹത്തെ സസ്പെന്ഡ് ചെയ്തു. വിയ്യൂര് സൂപ്രണ്ടിനെ സ്ഥലം മാറ്റിയതിനെതിരെ സെന്കുമാര് രമേശിനോട് പരാതിപെട്ടിരുന്നു. പൂജപ്പുര സെന്ട്രല് ജയിലിലെ ഒരു ഡി.ഐ.ജി യാണ് മര്ദ്ദനത്തിന് നേതൃത്വം കൊടുത്തതെന്ന് പറയപ്പെടുന്നു. സോളാര് കേസില് അട്ടകുളങ്ങര ജയിലിലെത്തി അദ്ദേഹം സരിതാനായരെ കണ്ടത് വിവാദമായിരുന്നു. ഭരണനേതൃത്വത്തോട് അടുപ്പം പുലര്ത്തുന്ന ഉദ്യോഗസ്ഥനാണ് ജയില് ഡി.ഐ.ജി.
കണ്ണൂരില് നിന്നും ഒരഭിഭാഷകന് കഴിഞ്ഞദിവസം ജയില് ആസ്ഥാനത്തെത്തി സെന്കുമാറിനെ കണ്ടിരുന്നു. റ്റി.പി. കേസിലുളള പ്രതികളെ മര്ദ്ദിച്ചതിനെതിരെയാണ് അഭിഭാഷകന് സെന്കുമാറിനെ കണ്ടത്. മര്ദ്ദനവിവരം അദ്ദേഹം നിഷേധിച്ചെങ്കിലും അഭിഭാഷകനും ജയില് മേധാവിയും തമ്മില് വാഗ്വാദം നടന്നു. സെന്കുമാര് അഭിഭാഷകനെ മുളളില് നിര്ത്തിയെന്നാണ് വിവരം. ഇതിനെ തുടര്ന്നാണ് അഭിഭാഷകന്റെ നേതൃത്വത്തില് കണ്ണൂരില് നിന്നെത്തിയ സംഘം മര്ദ്ദനത്തിനെതിരെ മനുഷ്യാവകാശ കമ്മീഷന് പരാതി നല്കാന് തീരുമാനിച്ചത്.
https://www.facebook.com/Malayalivartha
