എയിംസ് കോട്ടയത്തിന് ; ജോസ് കെ മാണിക്ക് നേട്ടമാവും.
കേന്ദ്രസര്ക്കാര് കേരളത്തിന് അനുവദിച്ചിരിക്കുന്ന ഓള് ഇന്ത്യ ഇന്സ്റ്റിറ്റിയൂട്ട് ഓഫ് മെഡിക്കല് സയന്സ് (എയിംസ്) കോട്ടയത്തിന്. കെ.പി.തോമസ് കൊച്ചിയിലേക്കും മന്ത്രി ശിവകുമാര് തിരുവനന്തപുരത്തേയ്ക്കും എം.കെ.രാഘവന് കോഴിക്കോട്ടേയ്ക്കും കടത്താന് ശ്രമിച്ച എയിംസിനെ കോട്ടയത്ത് ഉറപ്പിച്ചു നിര്ത്തിയത് ജോസ്.കെ.മാണി എം.പി യാണ്. കഴിഞ്ഞ സര്ക്കാറിന്റ കാലത്ത് അഞ്ചോളം കേന്ദ്രസര്ക്കാര് സ്ഥാപനങ്ങള് കോട്ടയത്തെത്തിച്ച ജോസ് കെ മാണിക്ക് എയിംസ് കോട്ടയത്തെത്തുകയാണെങ്കില് അഭിമാനിക്കാം.
കോട്ടയത്ത് സ്ഥലമില്ലാത്തതിനാല് എയിംസ് കൊച്ചിയിലേക്കെന്ന് മുന് കേന്ദ്രമന്ത്രി കെ.വി.തോമസ് പ്രചരിപ്പിച്ചെങ്കിലും കെ.വി.തോമസിന്റെ മണ്ഡലമായതിനാല് എയിംസ് കൊച്ചിക്ക് നല്കേണ്ടതില്ലെന്നാണ് കേന്ദ്രസര്ക്കാരിന്റെ തീരുമാനം. യു.പി.എ സര്ക്കാരില് മന്ത്രിയായിരുന്ന കെ.വി.തോമസിനെ തങ്ങള് സഹായിക്കില്ലെന്നാണ് കേന്ദ്രസര്ക്കാര് വ്യക്തമാക്കിയിട്ടുണ്ട്. എയിംസിനെ കുറിച്ച് കേന്ദ്ര ആരാഗ്യമന്ത്രി ഡോ. ഹര്ഷവര്ദ്ധനന് പറഞ്ഞ ഉടനെ തന്നെ ജോസ് കെ മാണി അദ്ദേഹത്തെ ഫോണില് വിളിച്ച് തന്റെ മണ്ഡലത്തില് അനുവദിക്കണമെന്ന് ആവശ്യപ്പെട്ടു. കോട്ടയം മെഡിക്കല് കോളേജില് സ്ഥലം ലഭ്യമാണെന്നും ജോസ് കെ മാണി പറഞ്ഞു. മെഡിക്കല് കോളേജിന് സമീപം 50 ഏക്കറോളം സ്ഥലം അക്വയര് ചെയ്യാന് കേരള സര്ക്കാര് തയ്യാറാകും. മുഖ്യമന്ത്രി ഉമ്മന്ചാണ്ടിയുടെ ജില്ലയാണെങ്കിലും കോട്ടയത്തിനുവേണ്ടി അദ്ദേഹം കര്ശന നിലപാട് സ്വീകരിക്കുന്നില്ല. മുഖ്യമന്ത്രിയെന്ന നിലയില് അദ്ദേഹത്തിന് സാധിക്കില്ലെന്നാണ് അദ്ദേഹത്തിന്റെ നിലപാട്.
ജോസ് കെ മാണിയുടെ നിരന്തര പരിശ്രമത്തിന്റെ ഫലമായാണ് കേന്ദ്രസര്ക്കാര് എയിംസ് കോട്ടയത്തിന് നല്കാന് ആലോചിക്കുന്നത്. കോട്ടയത്തിന് എയിംസ് വേണമെന്ന് ആവശ്യപ്പെട്ട് ജോസ് കെ മാണി രണ്ടുവട്ടം കേന്ദ്ര ആരോഗ്യമന്ത്രിയെ കണ്ടിരുന്നു. അദ്ദേഹത്തിന് പദ്ധതി രൂപരേഖയും സമര്പ്പിച്ചു. എം.കെ.രാഘവന് ആത്മാര്ത്ഥമായിട്ടാണ് രംഗത്ത് വന്നത്.എന്നാല് കോഴിക്കോട് ആവശ്യാനുസരണം സ്ഥലം ലഭ്യമല്ല. കൊച്ചിയിലും സ്ഥലമില്ലെന്നതാണ് പ്രതിസന്ധി. മന്ത്രിയായിരുന്നപ്പോള് കെ.വി.തോമസ് വേണമെങ്കില് എയിംസ് കൊച്ചിയില് സ്ഥാപിക്കുമായിരുന്നു. എന്നാല് മന്ത്രിയായിരിക്കെ കൊച്ചിയെ തിരിഞ്ഞുനോക്കാത്തവര് ബി.ജെ.പി അധികാരത്തില് വന്നപ്പോള് കേന്ദ്രസ്ഥാപനങ്ങള്ക്കു വേണ്ടി മുറവിളിക്കുട്ടുന്നത് അന്യായമാണെന്നാണ് ബി.ജെ.പി. സംസ്ഥാന നേതൃത്വത്തിന്റെ കണക്കുകൂട്ടല്.
എയിംസ് കോട്ടയത്ത് വരുകയാണെങ്കില് ഇപ്പോള് മെഡിക്കല് കോളേജ് കാമ്പസില് പ്രവര്ത്തിക്കുന്ന ഓഫീസുകള് ഒഴിവാക്കും. കോട്ടയത്ത് സര്ക്കാര് അക്വയര് ചെയ്യുന്ന സ്ഥലത്ത് കോംപ്ലക്സ്കള് കെട്ടി ഓഫീസ് മാറ്റാനാണ് ആലോചിക്കുന്നത്. സ്ഥലം പോരെങ്കില് സ്വകാര്യസ്ഥലം സര്ക്കാര് ഏറ്റെടുക്കും. 267 ഏക്കര് സ്ഥലമാണ് കോട്ടയം മെഡിക്കല് കോളേജില് അവശേഷിക്കുന്നത്. എയിംസിന് 200 ഏക്കര് മതിയെന്നാണ് കേന്ദ്രസര്ക്കാര് പറയുന്നത്. അതേസമയം കോട്ടയം മെഡിക്കല് കോളേജ് പ്രവര്ത്തിക്കുന്ന ഏറ്റുമാനൂര് അസംബ്ളി മണ്ഡലത്തിന്റെ പ്രതിനിധി അഡ്വ.സുരേഷ് കുറുപ്പ് തന്റെ മണ്ഡലത്തിന് സംഭവിക്കാന് പോകുന്ന നേട്ടങ്ങളെ കുറിച്ച് അഞ്ജനാണ്. ജോസ് കെ മാണി അദ്ദേഹത്തെ ഫോണില് വിളിച്ച് ഇക്കാര്യം സംസാരിച്ചിരുന്നു. മുന് എം.എല്.എ തോമസ് ചാഴിക്കാടനാണ് ജോസ് കെ മാണിക്കൊപ്പം നില്ക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
