സംസ്ഥാനത്ത് മദ്യ ഉപഭോഗം കൂടിയെന്ന മന്ത്രി കെ ബാബുവിന്റെ വാദം തെറ്റാണെന്ന്‌ കണക്കുകള്‍ സൂചിപ്പിക്കുന്നു. അതേസമയം കെപിസിസി പ്രസിഡന്റ്‌ സുധീരന്‍ പറഞ്ഞത്‌ ശരിയാകുന്നു. സംസ്ഥാനത്ത്‌ മദ്യ ഉപഭോഗം കുറഞ്ഞു. ബിവറേജസ് കോര്‍പ്പറേഷന്റെ കണക്കുകള്‍ പ്രകാരം ഉപഭോഗത്തില്‍ കുറവാണ് രേഖപ്പെടുത്തിയത്. ബാറുകള്‍ അടച്ചുപൂട്ടിയ മാര്‍ച്ചിനെക്കാള്‍ ഏപ്രില്‍ മാസത്തില്‍ 73408 കെയ്‌സുകളും മെയില്‍ 78660 കെയ്‌സുകളുമാണ് കുറഞ്ഞത്. സംസ്ഥാനത്ത് മദ്യ ഉപഭോഗം 84 ശതമാനം കൂടിയെന്നാണ് കെ. ബാബു ഇന്നലെ നിയമ സഭയില്‍ പറഞ്ഞത്. എന്നാല്‍ മദ്യ ഉപഭോഗം മുന്‍ വര്‍ഷത്തേക്കാള്‍ കുറവാണെന്നാണ് ബിവറേജസ് കോര്‍പ്പറേഷന്റെ വെബ്‌സൈറ്റില്‍ പ്രസിദ്ധീകരിച്ച കണക്കുകള്‍ സൂചിപ്പിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha