മലയാളി വാര്‍ത്തയുടെ അന്വേഷണം സത്യമായി; കുട്ടികടത്ത് അന്വേഷിക്കാന്‍ സി ബി ഐ തയ്യാര്‍
അന്യസംസ്ഥാനങ്ങളില്‍ നിന്നു കേരളത്തിലേക്കു കുട്ടികളെ എത്തിച്ച കേസ്‌ ഏറ്റെടുക്കാമെന്ന്‌ സിബിഐ. അന്വേഷണത്തിന്‌ സി ബി ഐ തയ്യാറാകുമെന്ന്‌ ദിവസങ്ങള്‍ക്കു മുമ്പ്‌ തന്നെ മലയാളി വാര്‍ത്ത റിപ്പോര്‍ട്ട്‌ ചെയ്‌തിരുന്നു. പ്രധാനമന്ത്രിയുടെ ഓഫീസുമായി സി ബി ഐ മേധാവികള്‍ നടത്തിയ ആശയവിനിമയത്തില്‍ കുട്ടികടത്ത് ഏറ്റെടുക്കാന്‍ കേന്ദ്രസര്‍ക്കാര്‍ ഉപദേശിച്ചതായാണ്‌ വിവരമെന്നും മലയാളി വാര്‍ത്ത കണ്ടെത്തിയിരുന്നു.
പോലീസ്‌ അന്വേഷണത്തിന്‌ പരിമിതികളുണ്ടെന്നും സിബിഐ ഹൈക്കോടതിയെ അറിയിച്ചു. കുട്ടികളെ കടത്തിയ കേസില്‍ അന്വേഷണം ഏറ്റെടുക്കുന്നതു സംബന്ധിച്ച്‌ ഹൈക്കോടതി സിബിഐയുടെ നിലപാട് തേടിയിരുന്നു. ഇതിനുള്ള മറുപടിയായാണ്‌ സിബിഐ ഇന്നു കോടതിയെ അറിയിച്ചത്‌.
കേസിലെ ക്രൈബ്രാഞ്ച്‌ അന്വേഷണം സംബന്ധിച്ച റിപ്പോര്‍ട്ട്‌ എജി ഹൈക്കോടതിയില്‍ ഹാജരാക്കി. അതേസമയം, അന്വേഷണം സിബിഐയ്‌ക്കു കൈമാറിയതില്‍ വേവലാതിയുണ്ടോ എന്ന്‌ എജിയോടു കോടതി ചോദിച്ചു. സംസ്ഥാനസര്‍ക്കാര്‍ സമര്‍പ്പിച്ച റിപ്പോര്‍ട്ട്‌ പഠിച്ച ശേഷമേ ഇക്കാര്യത്തില്‍ തീരുമാനമെടുക്കു. പ്രാഥമിക അന്വേഷണത്തിന്‌ കോടതി അമിക്കസ്‌ക്യൂറിയെ നിയമിച്ചു. അഡ്വ. ദേവന്‍ രാമചന്ദ്രനാണ്‌ അമിക്കസ്‌ക്യൂറി. കേസ്‌ എട്ടിനു വീണ്ടും പരിഗണിക്കും.
മലയാളി വാര്‍ത്ത 20-06-2014ന്‌ നല്‍കിയ ഈ റിപ്പോര്‍ട്ട്‌ കൂടി വായിക്കുക
കുട്ടികടത്ത് അന്വേഷിക്കാന്‍ സി.ബി.ഐ തയ്യാറാകും; കേരളസര്‍ക്കാര്‍ നിലപാട് ലീഗിനെതിരെ അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
