സ്‌ത്രീകള്‍ മത്സരിച്ച മണ്ഡലങ്ങളില്‍ പാര്‍ട്ടി പ്രത്യേകം ശ്രദ്ധ പതിപ്പിച്ചില്ലെന്ന്‌ ബിന്ദു കൃഷ്‌ണ
സ്‌ത്രീകള്‍ മത്സരിച്ച മണ്ഡലങ്ങളിലും സിറ്റിങ്‌ എംപിമാര്‍ അല്ലാത്തവര്‍ മത്സരിച്ച മണ്ഡലങ്ങളിലും പാര്‍ട്ടി പ്രത്യേകം ശ്രദ്ധ പതിപ്പിച്ചില്ലെന്ന്‌ മഹിളാ കോണ്‍ഗ്രസ്‌ സംസ്‌ഥാന അധ്യക്ഷ ബിന്ദു കൃഷ്‌ണ. കീഴ്‌ഘടകങ്ങളില്‍ പാര്‍ട്ടിയുടെ പ്രവര്‍ത്തനം മോശമായിരുന്നു. ലോകസഭാ തെരഞ്ഞെടുപ്പ്‌ പരാജയം വിലയിരുത്തുന്ന എ.കെ ആന്റണി അധ്യക്ഷനായ സമിതിയ്‌ക്ക് മുന്നില്‍ നിലപാട്‌ വ്യക്‌തമാക്കിയശേഷം മാധ്യമങ്ങളോട്‌ സംസാരിക്കുകയായിരുന്നു ബിന്ദു കൃഷ്‌ണ.
മുഖ്യമന്ത്രി ഉമ്മന്‍ചാണ്ടി, ആഭ്യന്തരമന്ത്രി രമേശ് ചെന്നിത്തല, കെപിസിസി പ്രസിഡന്റ്‌ വി.എം സുധീരന്‍ തുടങ്ങിയവരും ആന്റണി സമിതിയ്‌ക്കു മുന്നില്‍ നിലപാടറിയിച്ചിട്ടുണ്ട്‌. തെരഞ്ഞെടുപ്പില്‍ വിവിധ സംസ്‌ഥാനങ്ങളില്‍ കോണ്‍ഗ്രസിനേറ്റ പരാജയകാരണങ്ങള്‍ വിലയിരുത്തുകയും ഇവ ക്രോഡീകരിച്ച്‌ വിശദമായ റിപ്പോര്‍ട്ട്‌ തയ്യാറാക്കുകയുമാണ്‌ എ.കെ ആന്റണി അധ്യക്ഷനായ സമിതിയുടെ ലക്ഷ്യം. തെരഞ്ഞെടുപ്പില്‍ കുറച്ചെങ്കിലും മെച്ചമുണ്ടാക്കിയത്‌ കേരളത്തിലാണെന്നാണ് പൊതു വിലയിരുത്തല്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
