മേയര്ക്കെതിരായ അക്രമത്തില് ആര്.എസ്.എസ് പ്രവര്ത്തകന് പിടിയില്; കൗണ്സില് യോഗം കഴിഞ്ഞിറങ്ങിയ മേയറെ പ്രതിപക്ഷ പാര്ട്ടി നേതാവ് ഗിരികുമാറിന്റെ നേതൃത്വത്തിലാണ് കൈയേറ്റം ചെയ്തത്
മേയര് വി.കെ.പ്രശാന്തിനെ നഗരസഭയില് നടന്ന പ്രത്യേക കൗണ്സില് യോഗത്തിനിടെ അക്രമിച്ച സംഭവത്തില് ഒരു ആര്.എസ്.എസ് പ്രവര്ത്തകനെ പൊലീസ് പിടികൂടി. വലിയവിള സ്വദേശി ആനന്ദാണ് അറസ്റ്റിലായത്. ഇയാള് പൊലീസ് സ്റ്റേഷനിലെത്തി കീഴടങ്ങുകയായിരുന്നു എന്നാണ് വിവരം. മേയറെ ആക്രമിക്കുന്ന സമയത്ത് കോര്പ്പറേഷന് ഓഫീസില് ഉണ്ടായിരുന്ന ആളാണ് ആനന്ദ്. ഇയാള് കോര്പ്പറേഷന് കൗണ്സിലറല്ല.
മേയറെ ആക്രമിച്ച സംഭവത്തില് ബി.ജെ.പി കൗണ്സിലര്മാര്ക്കും പ്രവര്ത്തകര്ക്കുമെതിരെ മ്യൂസിയം പൊലീസ് കണ്ടാലറിയാവുന്ന 25 പേര്ക്കെതിരെ വധശ്രമത്തിന് കേസെടുത്തിരുന്നു. ഹൈമാസ്റ്റ് ലൈറ്റ് സ്ഥാപിക്കുന്നതുമായി ബന്ധപ്പെട്ട പ്രശ്നത്തിലാണ് തിരുവനന്തരപുരം നഗരസഭയില് സി.പി.എം ബി.ജെ.പി കൗണ്സിലര്മാര് തമ്മില് കൈയാങ്കളി നടന്നത്. കൗണ്സില് യോഗം കഴിഞ്ഞിറങ്ങിയ മേയറെ പ്രതിപക്ഷ പാര്ട്ടി നേതാവ് ഗിരികുമാറിന്റെ നേതൃത്വത്തിലാണ് കൈയേറ്റം ചെയ്തത്. കാലിനും നെഞ്ചിലും പരിക്കേറ്റ മേയര് തിരുവനന്തപുരം മെഡിക്കല് കോളേജില് ചികിത്സയിലാണ്.
മര്ദ്ദനത്തില് പരിക്കേറ്റ ഗിരികുമാര് ജനറല് ആശുപത്രിയിലും ചികിത്സതേടി. കൈയാങ്കളിക്കിടെ നിലത്തു വീണ മേയറെ മറ്റ് എല്.ഡി.എഫ് കൗണ്സിലര്മാരാണ് രക്ഷിച്ചത്. മേയറെ കൂടാതെ എല്.ഡി.എഫ് കൗണ്സിലര്മാരായ റസിയാബീഗം,സിന്ധു, മേയറുടെ സുരക്ഷാ ജീവനക്കാരന് മോഹന്, പി.എ. ജിന്രാജ് എന്നിവര്ക്കും ബി.ജെ.പി കൗണ്സിലര്മാരായ ആര്.ബീന, ലക്ഷ്മി എന്നിവര്ക്കും പരിക്കേറ്റിരുന്നു.
https://www.facebook.com/Malayalivartha
