കൂടെ കൂട്ടാന് കഴിയാത്ത ആളായതിനാലാണ് സസ്പെന്ഡ് ചെയ്തതെന്ന് ജേക്കബ് തോമസ്
കൂടെ കൂട്ടാന് കഴിയാത്ത ആളായതിനാലാണ് തന്നെ സസ്പെന്ഡ് ചെയ്തതെന്ന് ജേക്കബ് തോമസ്. സസ്പെന്ഷനെ ഒരു നടപടിയായി കാണുന്നില്ലെന്നും ജേക്കബ് തോമസ് വാര്ത്താ ചാനലിനോട് പറഞ്ഞു. മുഖ്യമന്ത്രി ഉള്പ്പെടെയുള്ളവര്ക്ക് കൂടെ നിര്ത്താന് സാധിക്കാത്ത വ്യക്തിയാണ് ഞാന്. അതുകൊണ്ട് എന്നെ അകറ്റി നിര്ത്താനുള്ള ശ്രമമായാണ് ഇതിനെ കാണുന്നത്ജേക്കബ് തോമസ് പറഞ്ഞു.
കേരളത്തിലെ അഴിമതി പൂര്ണമായും തുടച്ചു നീക്കിയതിനാലാണ് ഇപ്പോള് കേസുകള് കുറയുന്നതെന്ന് പരിഹാസ രൂപേണ ജേക്കബ് തോമസ് പറഞ്ഞു. കേസ് കുറഞ്ഞത് വകുപ്പിന്റെ വീഴ്ചയായി കരുതാനാകില്ല. കഴിഞ്ഞ എട്ട് മാസത്തിനിടെ സംസ്ഥാനത്ത് 22 വിജിലന്സ് കേസുകള് മാത്രമാണ് രജിസ്റ്റര് ചെയ്തിട്ടുള്ളതെന്നും ജേക്കബ് തോമസ് ചൂണ്ടിക്കാട്ടി.
സംസ്ഥാന സര്ക്കാരിനെതിരെ പരസ്യമായി വിമര്ശനം ഉന്നയിച്ചതിനെ തുടര്ന്നാണ് ജേക്കബ് തോമസിനെ സസ്പെന്ഡ് ചെയ്തത്. സംസ്ഥാനത്ത് നിയമവാഴ്ചയില്ലെന്നും ഓഖി ദുരന്തത്തില് സര്ക്കാര് നടപടികള് കാര്യക്ഷമമല്ലെന്നുമായിരുന്നു ജേക്കബ് തോമസിന്റെ ആരോപണം.
https://www.facebook.com/Malayalivartha
