പറവക്കാവടി അനുകരിച്ച് നാലാം ക്ലാസ്സുകാരന് ദാരുണാന്ത്യം... ജീവനുവേണ്ടി പിടയുമ്പോൾ കളിക്കുകയാണെന്ന വിചാരത്തില്‍ സഹോദരിയും കൂട്ടുകാരും നോക്കി നിന്നു... സംഭവം വർക്കലയിൽ
വർക്കല അയിരൂരിൽ പറവക്കാവടി അനുകരിച്ച് കളിക്കുന്നതിനിടെ നാലാം ക്ലാസുകാരന് ദാരുണാന്ത്യം. ഇടവ തോട്ടുമുഖം ചുരുവിള വീട്ടില്‍ അജയകുമാര്‍-ശ്യാമിലി ദമ്പതികളുടെ മകന്‍ അജീഷാണ് മരിച്ചത്. കരിപ്പുറം എല്‍പി സ്‌കൂളിലെ നാലാം ക്ലാസ് വിദ്യാര്‍ത്ഥിയാണ് അജീഷ്. ജനല്‍ കമ്പിയില്‍ ഷാള്‍ കെട്ടി കഴുത്തിലും കയ്യിലും ചുറ്റി കാല് ജനാലയില്‍ കയറ്റിവച്ച് പറവക്കാവടി രീതിയില്‍ നില്‍ക്കാന്‍ ശ്രമിക്കവെയായിരുന്നു അപകടമുണ്ടായത്. ഇത് കൈവിട്ട് താഴേക്ക് വീണപ്പോൾ കഴുത്തില്‍ ഷാള്‍ കുരുങ്ങുകയായിരുന്നു. കളിക്കുകയാണെന്ന വിചാരത്തില്‍ സഹോദരിയും കൂട്ടുകാരും നോക്കി നിന്നു.
മാതാപിതാക്കൾ വീട്ടിലെത്തി അന്വേഷിച്ചപ്പോള്‍ അബോധാവസ്ഥയില്‍ മുറിയിലെ ജനാലയോട് ചേര്‍ന്ന് അജീഷിനെ കണ്ടെത്തുകയായിരുന്നു. ഉടൻ തന്നെ വര്‍ക്കലയിലെ സ്വകാര്യ ആശുപത്രിയിലെത്തിച്ചെങ്കിലും കുട്ടിയെ രക്ഷിക്കാനായില്ല.
മാതാപിതാക്കള്‍ ജോലിക്കു പോകുമ്പോള്‍ അമ്മൂമ്മയുടെ അടുത്ത് ഏല്‍പിച്ചാണ് പോയത്. സഹോദരിക്കും അടുത്ത വീട്ടിലെ കുട്ടികള്‍ക്കെുമൊപ്പം കളിക്കുകയായിരുന്നു അജീഷ്. അയിരൂര്‍ പൊലീസ് അന്വേഷണം ആരംഭിച്ചു.
https://www.facebook.com/Malayalivartha
