വ്യാജരേഖയുണ്ടാക്കി സാമൂഹിക സുരക്ഷാ പെന്‍ഷന്‍ കൈപ്പറ്റുന്ന തട്ടിപ്പുകാര്‍ ഉടന്‍ പിടിയിലാവും, അനര്‍ഹരുടെ പട്ടിക തയ്യാറാക്കാന്‍ ധനകാര്യ വകുപ്പിന്റെ നിര്‍ദ്ദേശം
കൃത്രിമരേഖയുണ്ടാക്കി സാമൂഹിക സുരക്ഷാ പെന്‍ഷന്‍ കൈപ്പറ്റുന്ന തട്ടിപ്പുകാര്‍ വെട്ടിലാവും. അനര്‍ഹരുടെ പട്ടിക തയ്യാറാക്കാന്‍ ധനകാര്യ വകുപ്പിന്റെ നിര്‍ദ്ദേശ പ്രകാരം തദ്ദേശസ്ഥാപനങ്ങള്‍ രഹസ്യപരിശോധന ശക്തമാക്കിക്കഴിഞ്ഞു.അറുപതു കഴിഞ്ഞവരില്‍ അനര്‍ഹരായവര്‍ക്ക് സാമൂഹിക സുരക്ഷാ പെന്‍ഷന്‍ അനുവദിച്ച കേസുകളില്‍ അപേക്ഷകനെ കുറിച്ച് പ്രാഥമിക അന്വേഷണം നടത്തിയ ഉദ്യോഗസ്ഥനും തദ്ദേശസ്ഥാപന സെക്രട്ടറിയും കുടുങ്ങും. സര്‍ക്കാരിന് സാമ്പത്തികനഷ്ടം വരുത്തിയതിന് ഇരുവര്‍ക്കും തുല്യ ബാദ്ധ്യതയായിരിക്കുമെന്ന് ധനവകുപ്പ് വ്യക്തമാക്കിയിട്ടുണ്ട്.
അര്‍ഹതയില്ലാത്തവര്‍ വാങ്ങിയ പെന്‍ഷന്‍ തുക തിരിച്ചടയ്‌ക്കേണ്ടി വരും. മാര്‍ച്ച് 31 വരെ തദ്ദേശസ്ഥാപനങ്ങളില്‍ അപേക്ഷ നല്‍കി ഇവര്‍ക്ക് സ്വയം പിന്മാറാം. സര്‍ക്കാരിന്റെ ആനുകൂല്യങ്ങള്‍ക്കൊന്നും ഇവരെ ഇനി പരിഗണിക്കില്ല
1200 ചതുരശ്ര അടിക്കു മുകളില്‍ വിസ്തീര്‍ണമുള്ള വീടുള്ളവര്‍, ആദായനികുതി അടയ്ക്കുന്നവര്‍ക്കൊപ്പം താമസിക്കുന്നവര്‍, രണ്ടേക്കറില്‍ കൂടുതല്‍ ഭൂമിയുള്ളവര്‍, 1000 സി.സിയിലേറെ എന്‍ജിന്‍ ശേഷിയുള്ള (ടാക്‌സി അല്ലാത്ത) കാറുള്ളവര്‍ ഇവരെല്ലാം അനര്‍ഹരുടെ ലിസ്റ്റില്‍പെടും.
https://www.facebook.com/Malayalivartha
