യുവ കോൺഗ്രസ്സ് നേതാവ് ഷുഹൈബിനെ വെട്ടി നുറുക്കി കൊലപ്പെടുത്തിയ കേസിൽ അറസ്റ്റിലായ നാല് പ്രതികളായ സി.പി.എം പ്രവര്‍ത്തകർക്കെതിരെ പാർട്ടി നടപടി. പ്രധാന പ്രതികളായ ആകാശ് തില്ലങ്കേരി, ടി.കെ അസ്ക്കർ, കെ അഖിൽ, ദീപ്ചന്ദ് എന്നിവരെ പാർട്ടിയിൽ നിന്ന്പുറത്താക്കി.

നാല് പേരെ പാർട്ടിയിൽ നിന്ന് പുറത്താക്കിയതോടെ ഷുഹൈബിനെ കൊലപ്പെടുത്തിയത് തങ്ങളല്ലെന്ന സി.പി.എം വാദം പൊളിഞ്ഞു. പാർട്ടി നയങ്ങൾക്ക് വിരുദ്ധമായി പ്രവർത്തിച്ചതിനാണ് നടപടിയെന്നാണ് പുറത്താക്കിയതിന് സി.പി.എം ജില്ലാ കമ്മിറ്റി നൽകുന്ന വിശദീകരണം. മുഖ്യമന്ത്രി പിണറായി വിജയൻ, സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ എന്നിവർ പങ്കെടുത്ത ജില്ലാ കമ്മിറ്റി യോഗത്തിലാണ് പുറത്താക്കാനുള്ള തീരുമാനം എടുത്തത്.

ഷുഹൈബ് വധത്തിൽ പാര്‍ട്ടി പ്രവര്‍ത്തകര്‍ക്ക് പങ്കുണ്ടെങ്കില്‍ അവരെ പുറത്താക്കുമെന്ന് നേരത്തെ പാര്‍ട്ടി നേതൃത്വം വ്യക്തമാക്കിയിരുന്നു. കൊലക്കേസിൽ ഇതുവരെ 11 പേരെയാണ് അറസ്റ്റ് ചെയ്തിട്ടുള്ളത്. നാല് പേരെ പുറത്താക്കിയതോടെ ഷുഹൈബ് വധത്തിൽ സി.പി.എമ്മിനുള്ള പങ്ക് പുറത്ത് വന്നിരിക്കുകയാണ്.ശുഹൈ​ബ് വ​ധക്കേസ് സി​ബി​ഐ​ക്ക് വി​ട്ട പ​ശ്ചാ​ത്ത​ല​ത്തി​ലും രാ​ഷ്ട്രീ​യ കൊ​ല​പാ​ത​ക​ങ്ങ​ൾ​ക്കെ​തി​രേ ഹൈ​ക്കോ​ട​തി രം​ഗ​ത്തെ​ത്തി​യ സാ​ഹ​ച​ര്യ​ത്തി​ലും സി​.പി.​എം ക​ണ്ണൂ​ർ ജി​ല്ലാ സെ​ക്ര​ട്ട​റി​യേ​റ്റ് അടിയന്തര യോ​ഗം വി​ളി​ച്ചു ചേർത്താണ് പ്രതികളെ പുറത്താക്കിയത്. കൊല നടന്ന് ഇത്ര ദിവസമായിട്ടും കേസുമായി യാതൊരു ബന്ധവും തങ്ങൾക്കില്ലെന്ന് ആവർത്തിച്ച് പറഞ്ഞിരുന്ന സി.പി.എം പ്രതികൾക്കെതിരെ നടപടിയെടുത്തതിലൂടെ ഷുഹൈബിനെ കൊലപ്പെടുത്തിയത് പാർട്ടി തന്നെയാണെന്ന് സമ്മതിക്കുക കൂടിയാണ് ചെയ്തത്.

കേ​സി​ൽ അ​റ​സ്റ്റി​ലാ​യ പ്ര​തി​ക​ൾ​ സി​.പി.​എമ്മുകാരാണെന്ന് പകൽ പോലെ വ്യക്തമായതോടെ സി.ബി.ഐ അന്വേഷണം എതിരാകുമെന്ന് മുന്നിൽ കണ്ടാണ് ധൃതി പിടിച്ച് ഇത്തരമൊരു നടപടി സ്വീകരിച്ചത്. നേരത്തെ ഷുഹൈ​ബ് വ​ധ​ത്തി​ൽ സ​ർ​ക്കാ​രി​നെ​തി​രേ​യും ഹൈ​ക്കോ​ട​തി രൂ​ക്ഷ വി​മ​ർ​ശ​ന​ങ്ങ​ൾ ന​ട​ത്തി​യി​രു​ന്നു. സർക്കാരിന് വലിയ നാണക്കേടുണ്ടാക്കിയ സംഭവമായതിനാൽ തന്നെ മു​ഖ്യ​മ​ന്ത്രി പി​ണ​റാ​യി വി​ജ​യ​നും സി​.പി.​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​നുമടക്കം പ്രതികൾക്കെതിരെ നടപടിയെടുത്ത ക​ണ്ണൂ​ർ ജി​ല്ലാ സെ​ക്ര​ട്ട​റി​യേ​റ്റി​ൽ പ​ങ്കെ​ടു​ത്തുവെന്നതും ശ്ര​ദ്ധേ​യ​മാ​ണ്.

ഇതിനിടെ ഷുഹൈബ് വധ കേസിന്‍റെ കേസ് ഡയറിയും മറ്റു രേഖകളും മട്ടന്നൂർ പോലീസ് സി.ബി.ഐ തിരുവനന്തപുരം ഓഫിസിന് കൈമാറാൻ ഇതുവരെയും തയാറായിട്ടില്ല. ഇതിനെ തുടർന്ന് കെ സുധാകരൻ കണ്ണൂർ റെയ്ഞ്ച് ഐ.ജിക്കും എസ്.പിക്കും കത്തയച്ചു. കേസ് ഡയറി സി.ബി.ഐയ്ക്ക് കൈമാറാൻ നടപടി സ്വീകരിക്കണമെന്നാവശ്യപ്പെട്ടാണ് കത്ത്. വധക്കേസിന്‍റെ കേസ് ഡയറിയും മറ്റും സി.ബി.ഐയ്ക്ക് കൈമാറാൻ ഹൈക്കോടതി ഉത്തരവിട്ടിരുന്നു.

ഇതിനൊക്കെ പിന്നാലെയാണ് കേസിലുൾപ്പെട്ടിരിക്കുന്നവരെ സി.പി.എം. ഇപ്പോൾ പുറത്താക്കിയിരിക്കുന്നത്. തീരുമാനം പ്രഖ്യാപിക്കുന്നതിന് മുൻപ് ആകാശിന്റെ പിതാവിനെ ജില്ലാ കമ്മിറ്റി ഓഫിസിലേക്ക് വിളിച്ച് വരുത്തിയിരുന്നു.