തേനിയെ നടുക്കിയ ദുരന്തത്തിന് പിന്നാലെ ചാലക്കുടി-ആതിരപ്പള്ളി മേഖലയില് വ്യാപക കാട്ടുതീ പടര്ന്നു പിടിക്കുന്നു... ഇന്നലെ ഉച്ചയ്ക്ക് പടര്ന്ന തീ പിള്ളപ്പാറയിലേക്കും വ്യാപിച്ചു... ശക്തമായി കാറ്റടിക്കുന്നതിനാല് തീ ആളിപ്പടരുകയാണ്...
തേനിയെ നടുക്കിയ ദുരന്തത്തിന് പിന്നാലെ ചാലക്കുടി-ആതിരപ്പള്ളി മേഖലയില് വ്യാപക കാട്ടുതീ പടര്ന്നു പിടിക്കുന്നു. ഇന്നലെ ഉച്ചയ്ക്ക് പടര്ന്ന തീ പിന്നീട് പിള്ളപ്പാറയിലേക്കും വ്യാപിച്ചു. ഫയര്ഫോഴ്സും വനം വകുപ്പും ഉള്പ്പെടെയുള്ള അറുപതംഗ സംഘം തീയണയ്ക്കാന് കാട്ടിലെത്തിയിട്ടുണ്ട്. ശക്തമായി കാറ്റടിക്കുന്നതിനാല് തീ ആളിപ്പടരുകയാണ്.
വിലപിടിപ്പുള്ള നൂറുകണക്കിന് മരങ്ങള് ഇതിനകം കത്തിയമര്ന്നതായാണ് വിവരം. സാധാരണഗതിയില് തീപിടിക്കാന് യാതൊരു സാഹചര്യവുമില്ലാത്ത ഇടമാണിത്. അതിനാല് കാട്ടുതീയില് ദുരൂഹതയുണ്ടെന്നാണ് വനംവകുപ്പിന്റെ ആരോപണം. വനംവകുപ്പിന്റെ നേതൃത്വത്തില് ഇതിനെ കുറിച്ച് അന്വേഷണം ആരംഭിച്ചിട്ടുണ്ട്. തേനി കൊരങ്ങണിയില് കഴിഞ്ഞ ദിവസം ഉണ്ടായ തീപിടുത്തത്തില് മരണം പതിനൊന്നായി. മരണസംഖ്യ ഇനിയും ഉയര്ന്നേക്കുമെന്നാണ് സൂചന. പൊള്ളലേറ്റ് അതീവ ഗുരുതരാവസ്ഥയിലായ മൂന്ന് പേരടക്കും 25 പേര് മധുരയിലെയും തേനിയിലെയും മെഡിക്കല് കോളെജുകളില് ചികിത്സയിലാണ്.
https://www.facebook.com/Malayalivartha
