കള്ളുഷാപ്പുകള് തുറക്കുന്ന കാര്യത്തില് നിര്ണ്ണായക വിധി ; ദേശീയപാതയിലെ കള്ളുഷാപ്പുകള് ഉപാധികളോടെ തുറക്കാമെന്ന് സുപ്രീം കോടതി
ദേശീയ- സംസ്ഥാനത്തെ പാതയോരത്തെ മദ്യശാലകള് തുറക്കുന്നതില് നല്കിയിരിക്കുന്ന ഇളവ് കള്ളുഷാപ്പുകള്ക്കും ബാധകമാണെന്ന് സുപ്രീം കോടതി. മദ്യശാലകള്ക്കു നല്കിയിരിക്കുന്ന ഇളവ് കള്ളുഷാപ്പുകള്ക്കും നല്കണമെന്ന് ആവശ്യപ്പെട്ട് ഷാപ്പ് ഉടമകള് സമര്പ്പിച്ച ഹര്ജിയിലാണ് കോടതിയുടെ നിര്ദേശം.
പഞ്ചായത്തുകളിലെ നഗര മേഖലകളില് മദ്യശാലകള് തുറന്നുപ്രവര്ത്തിക്കുന്നതിന് നല്കിയിരിക്കുന്ന മാനദണ്ഡം കള്ളുഷാപ്പുകള്ക്കും ബാധകമാക്കിയിരിക്കുകയാണ്. പഞ്ചായത്തുകളിലെ നഗര മേഖലകളില് മദ്യശാലകള്ക്ക് ഇളവ് നല്കാമെന്നായിരുന്നു നേരത്തെയുള്ള വിധി. ഏതെല്ലാം കള്ളു ഷാപ്പുകള് തുറക്കണമെന്ന് സംസ്ഥാന സര്ക്കാരിന് തീരുമാനിക്കാമെന്നും കോടതി വ്യക്തമാക്കി. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് കേസ് പരിഗണിച്ചത്.
പ്രദേശം നഗരമാണോ എന്ന് തീരുമാനിക്കേണ്ടത് സംസ്ഥാന സര്ക്കാരാണെന്നും അനുമതിക്കായി മദ്യശാല ഉടമകള് സംസ്ഥാന സര്ക്കാരിനെ സമീപിക്കണമെന്നും നേരത്തെയുള്ള കോടതി വിധിയില് പറഞ്ഞിരുന്നു. നിരോധനത്തില് നിന്ന് പഞ്ചായത്തുകളെ ഒഴിവാക്കണമെന്ന കേരളം ഉള്പ്പെടെയുള്ള സംസ്ഥാനങ്ങളുടെ ആവശ്യം പരിഗണിച്ചാണ് സുപ്രീംകോടതിയുടെ ഭേദഗതി ഉത്തരവ്.
https://www.facebook.com/Malayalivartha
