കൊല്ലത്ത് നിന്ന് പോയ നാല്പതോളം ബോട്ടുകള് ഉള്ക്കടലില്; തിരച്ചില് ശക്തമാക്കി
കൊല്ലം തീരത്ത് നിന്ന് കഴിഞ്ഞയാഴ്ച മല്സ്യബന്ധനത്തിന് പോയ നാല്പ്പതോളം ബോട്ടുകള് ഇപ്പോഴും ഉള്ക്കടലില്. ന്യൂനമര്ദത്തെ തുടര്ന്ന് ചുഴലിക്കാറ്റ് ഉണ്ടാകാന് സാധ്യതയുള്ളതിനാല് ഇവരെ തിരിച്ച് കൊണ്ടുവരുവാനുള്ള നടപടികള് ജില്ലാ ഭരണകൂടം സ്വീകരിക്കുന്നു. കൊല്ലത്തെ തീരദേശ മേഖലയില് ശക്തമായ മഴയുമുണ്ട്. പരവുര് മുതല് നീണ്ടകര വരേയുള്ള തീര പ്രദേശത്താണ് മഴയും കാറ്റും അനുഭവപ്പെടുന്നത്. മുന്നറിയിപ്പ് അവഗണിച്ച് ഇന്ന് കടലില് പോയ ബോട്ടുകളെയും വള്ളങ്ങളെയും മറൈന് എന്ഫോഴ്സ്മെന്റ് സ്വാകാഡ് തിരിച്ചെത്തിച്ചു.
വ്യാഴാഴ്ച വരെ ജാഗ്രത നിരദ്ദേശം രാവിലെ നല്കിയിരുന്നു. താലൂക്കുകളില് കണ്ട്രോള് റൂമുകള് തുറന്നു. കലക്ടറേറ്റില് നിരീക്ഷണസെല് ആരംഭിച്ചു. ഉദ്യോഗസ്ഥര് രാത്രിയിലും ഓഫീസില് ഉണ്ടാകണമെന്ന് ചീഫ് സെക്രട്ടറി വിളിച്ച യോഗത്തില് നിര്ദ്ദേശം നല്കി. സംസ്ഥാനത്തെ എല്ലാ തുറമുഖങ്ങളിലും മൂന്നാം നമ്പര് അപായസൂചന ഉയര്ത്തി, തീരദേശ ജില്ലകളില് അതീവ ജാഗ്രത പുലര്ത്തണം, പുനരധിവാസ കേന്ദ്രങ്ങള് തയ്യാറാക്കാന് കലക്ടര്മാര്ക്ക് നിര്ദേശം, അടിയന്തര ഘട്ടം നേരിടാന് തയ്യാറാകണമെന്ന് വൈദ്യുതി ബോര്ഡിനും നിര്ദേശം നല്കി.
https://www.facebook.com/Malayalivartha
