മോഡിയുടെ പ്രസംഗം സ്‌കൂളുകളിലോ? ലീഗിന്റെ അഭ്യര്‍ത്ഥന പ്രകാരം അടിയന്തിര യോഗം ചേര്ന്ന് അധ്യാപക ദിനത്തിലെ പ്രധാനമന്ത്രിയുടെ പ്രസംഗം നിര്‍ബന്ധമല്ലാതാക്കി
അധ്യാപക ദിനത്തില്‍ പ്രധാനമന്ത്രി നരേന്ദ്ര മോഡിയുടെ പ്രസംഗം രാജ്യത്തെ സ്‌കൂളുകളില്‍ കേള്‍പ്പിക്കാനുള്ള കേന്ദ്രസര്‍ക്കാര്‍ തീരുമാനം ഏറ്റവുമധികം വിനയായത്‌ സംസ്ഥാന വിദ്യാഭ്യാസ വകുപ്പിനാണ്‌. മുസ്ലീം ലീഗ്‌ കൈകാര്യം ചെയ്യുന്ന വിദ്യാഭ്യാസ വകുപ്പ്‌ ഈ തീരുമാനം എങ്ങനെ നടപ്പാക്കുമെന്നറിയാതെ വട്ടം ചുറ്റി. കേന്ദ്ര സര്‍ക്കാരിന്റെ തീരുമാനം നടപ്പാക്കേണ്ടത്‌ സംസ്ഥാന സര്‍ക്കാരിന്റെ ഉത്തരവാദിത്വമാണ്‌. എന്തൊക്കെ പറഞ്ഞാലും നരേന്ദ്രമോഡി ഇന്ത്യയുടെ പ്രധാനമന്ത്രിയാണ്‌. ആ പ്രധാനമന്ത്രിയുടെ പ്രസംഗമാണ്‌ സ്‌കൂളുകളില്‍ കേള്‍പ്പിക്കേണ്ടത്‌.
എന്നാല്‍ കേരളത്തിലെ ഭൂരിപക്ഷം സ്‌കൂളുകളും ക്രിസ്‌ത്യന്‍ മുസ്ലീം സമുദായ സംഘടനകളാണ്‌ നടത്തുന്നത്‌. ക്രിസ്‌ത്യന്‍ സമുദായം ഇതിനോടകം തന്നെ നരേന്ദ്ര മോഡിയോട്‌ അടുപ്പം കാട്ടിയതിനാല്‍ അവര്‍ക്ക്‌ പ്രസംഗം കേള്‍പ്പിക്കാന്‍ ബുദ്ധിമുട്ടില്ല. പക്ഷെ മുസ്ലീം സമുദായം പ്രതിനിധാനം ചെയ്യുന്ന സ്‌കൂളുകള്‍ക്ക്‌ ഇത്‌ ചിന്തിക്കാനേ കഴിഞ്ഞില്ല. വിദ്യാഭ്യാസ സ്ഥാപനങ്ങളെ പച്ചവത്‌കരിക്കുന്നു എന്ന ആക്ഷേപത്തിനിടെ മോഡിയുടെ പ്രസംഗത്തെ ഉള്‍ക്കൊള്ളാന്‍ അവര്‍ക്കാവില്ല. നാളത്തെ പൗരന്മാരാകേണ്ട ഇവരില്‍ ആരെങ്കിലും മോഡി ആരാധകരായാല്‍ തീര്‍ന്നല്ലോ.
ഇത്‌ മുന്നില്‍ കണ്ടാണ്‌ മുഖ്യമന്ത്രിയുടെ അധ്യക്ഷതയില്‍ ഉന്നതതല യോഗം ചേര്‍ന്നത്‌. പ്രധാനമന്ത്രിയുടെ സന്ദേശം കേരളത്തില്‍ കുട്ടികളെ കേള്‍പ്പിക്കണമെന്ന കാര്യം നിര്‍ബന്ധമാക്കേണ്ടതില്ലെന്ന്‌ ഉന്നതതല യോഗം തീരുമാനിനിച്ചു. പ്രധാനമന്ത്രിയുടെ സന്ദേശം കേള്‍പ്പിക്കേണ്ടത്‌ നിര്‍ബന്ധമാണെന്ന്‌ കേന്ദ്രമാനവശേഷി മന്ത്രാലയം വ്യക്തമാക്കിയിട്ടില്ല. ഈ സാഹചര്യത്തില്‍ സ്‌കൂളുകള്‍ക്ക്‌ സ്വന്തം നിലയില്‍ ഇക്കാര്യത്തില്‍ തീരുമാനമെടുക്കാമെന്ന്‌ വിദ്യാഭ്യാസ വകുപ്പു വഴി സര്‍ക്കുലര്‍ പുറപ്പെടുവിക്കാനാണ്‌ തീരുമാനം.
അധ്യാപകദിനമായ സെപ്‌റ്റംബര്‍ അഞ്ചിനാണ്‌ പ്രധാനമന്ത്രിയുടെ പ്രസംഗം സ്‌കൂളുകളില്‍ കേള്‍പ്പിക്കണമെന്ന്‌ കേന്ദ്ര മാനവശേഷി മന്ത്രാലയം നിര്‍ദേശം നല്‍കിയത്‌. ടെലിവിഷന്‍വഴിയോ ഇന്റര്‍നെറ്റ്‌ വഴിയോ ഇതിനു സൗകര്യമില്ലെങ്കില്‍ റേഡിയോ വഴിയോ പ്രധാനമന്ത്രിയുടെ സന്ദേശം കുട്ടികളിലെത്തിക്കണമന്നാണ്‌ മാനവശേഷി വകുപ്പിന്റെ നിര്‍ദേശം.
കേരള സര്‍ക്കാരിന്റെ ഈ തീരുമാനം അനുഗ്രഹമാക്കി ബഹുഭൂരിപക്ഷം സ്‌കൂളുകളും പ്രധാനമന്ത്രിയുടെ പ്രസംഗം ബഹിഷ്‌കരിക്കും. സര്‍ക്കാര്‍ സ്‌കൂളുകളുടെ അവസ്ഥ എന്താണെന്ന്‌ വഴിയേ അറിയാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
