കെ എസ് ആര് ടി സി ബസ് തടഞ്ഞു നിര്ത്തി ഡ്രൈവറെ മര്ദിച്ചു; ഡ്രൈവറെ മര്ദ്ദിച്ചവരെ നാട്ടുകാര് പിടികൂടി പൊലീസിലേല്പ്പിച്ചു
ഓടിക്കൊണ്ടിരിക്കുന്ന കെ എസ് ആര് ടി സി ബസ് തടഞ്ഞു നിര്ത്തി ഡ്രൈവറെ മര്ദിച്ച സംഭവത്തില് മൂന്ന് പേര് അറസ്റ്റില്. വാഹനത്തില് ബസ്സ് ഉരസിയെന്ന കാരണം പറഞ്ഞാണ് ഡ്രൈവറെ ക്രൂരമായി മര്ദിച്ചത്. സംഭവത്തില് എലപ്പുള്ളി സ്വദേശികളായ ദിലീപ്, ദിനേഷ്, അനീഷ് കുമാര് എന്നിവരെ പോലീസ് അറസ്റ്റ് ചെയ്തു. മലപ്പുറം ഡിപ്പോയിലെ ഡ്രൈവര് സി അബൂബക്കറിനാണ് മര്ദനമേറ്റത്.
പാലക്കാട് നിന്നും കോഴിക്കോട്ടേയ്ക്ക് പോവുകയായിരുന്ന കെ എസ് ആര് ടി സി ബസ് മുണ്ടൂരിന് സമീപം പന്നിയംപാടത്ത് വെച്ച് തടഞ്ഞ് നിര്ത്തി ഒരു സംഘമാളുകള് ആക്രമണം നടത്തുകയായിരുന്നു. എതിരെ വന്ന വാഹനത്തില് ബസ് ഉരസിയെന്നാരോപിച്ച് ബസിന് കുറുകെ വാഹനമിട്ട് തടഞ്ഞ് നിര്ത്തിയ ശേഷമായിരുന്നു മര്ദ്ധനം.
ഡ്രൈവര് അബൂബക്കറിന് മുക്കിനും മുഖത്തും ഗുരുതരമായി പരുക്കേറ്റു.മണ്ണാര്ക്കാട് താലൂക്കാശുപത്രിയിലെ പ്രാഥമിക ചികിത്സക്ക് ശേഷം വിദഗ്ധ ചികിത്സക്കായി മഞ്ചേരി മെഡിക്കല് കോളേജാശുപത്രിയിലേക്ക് മാറ്റി. ഡ്രൈവറെ മര്ദ്ദിച്ചവരെ നാട്ടുകാരാണ് പിടികൂടി പൊലീസിലേല്പ്പിച്ചത്.
https://www.facebook.com/Malayalivartha
