ഒരു നാടിനെ മുഴുവന് ദു:ഖത്തിലാഴ്ത്തി അവര് ഒന്നിച്ച് യാത്രയായി; ക്വാറിയിലെ വെള്ളക്കെട്ടില് വീണ് മൂന്ന് പെണ്കുട്ടികള് മരിച്ചു; രക്ഷപ്പെട്ട പെണ്കുട്ടി പറഞ്ഞതനുസരിച്ച് നാട്ടുകാര് നടത്തിയ തിരച്ചിലിലാണ് മൂന്നുപേരുടെയും മൃതദേഹങ്ങള് കിട്ടിയത്
പാറമടയിലെ കുളത്തില് വീണ് സഹോദരങ്ങളുടെ മക്കളായ മൂന്നു പെണ്കുട്ടികള് മുങ്ങിമരിച്ചു. മടവൂര്, ഞാറയില്കോണം ഇടപ്പാറയിലെ പാറമടയില് ഞായറാഴ്ച വൈകീട്ട് നാലോടെയാണ് സംഭവം.
മടവൂര് ഞാറയില്കോണം ഇടപ്പാറയില് വീട്ടില് ജമാലുദ്ദീന് ബുഷ്റ ദമ്ബതികളുടെ മകള് ഫാത്തിമ ജുമാന(16), കമാലുദ്ദീന് തസ്നി ദമ്ബതികളുടെ മകള് ഷിഹാന (17), സിറാജുദ്ദീന് ബീന ദമ്ബതികളുടെ മകള് സൈനബ (15) എന്നിവരാണ് മരിച്ചത്.
ജമാലുദ്ദീനും കമാലുദ്ദീനും സിറാജുദ്ദീനും സഹോദരങ്ങളാണ്. പെണ്കുട്ടികള്ക്കൊപ്പം കുളിക്കാന് പോയ അജ്നിയയെ (17) അയല്വാസി രക്ഷപ്പെടുത്തി. അജ്നിയ പറഞ്ഞതനുസരിച്ച് നാട്ടുകാര് നടത്തിയ തിരച്ചിലില് വൈകീട്ട് ആറോടെ മൂന്നുപേരുടെയും മൃതദേഹങ്ങള് കുളത്തില്നിന്ന് കിട്ടി.
ആയൂര് വിവേകാനന്ദ പബ്ലിക് സ്കൂള് 10ാംക്ലാസ് വിദ്യാര്ഥിനിയാണ് ജുമാന. അമാന, അയ്ന, അമാനു എന്നിവര് സഹോദരങ്ങളാണ്. കെ.ടി.സി.ടി സ്കൂളിലെ പ്ലസ് വണ് വിദ്യാര്ഥിനിയാണ് ഷിഹാന. ഏക മകളാണ്. സൈനബ കെ.ടി.സി.ടി സ്കൂളിലെ ഒമ്ബതാം ക്ലാസ് വിദ്യാര്ഥിനിയാണ്. സഹോദരന് അജാസ്.
https://www.facebook.com/Malayalivartha
