ചെങ്ങന്നൂരില് സി.പി.എം ആക്രമണം അഴിച്ചുവിടുന്നത് പരാജയഭീതിയിലെന്ന് കോണ്ഗ്രസ്; സംഭവത്തില് തങ്ങള്ക്ക് ബന്ധമില്ലെന്ന് സി.പി.എം
ഭരണവിരുദ്ധ വികാരവും സി.പി.എമ്മിന്റെ കൊലപാതക രാഷ്ട്രീയത്തിനെതിരെ പൊതുവികാരം ഉണരുകയും ചെയ്തതോടെ ചെങ്ങന്നൂര് ഉപതെരഞ്ഞെടുപ്പില് എല്.ഡി.എഫ് പരാജയഭീതിയിലാണെന്നും ഇതിന്റെ ബാഗമായി മണ്ഡലത്തില് പലയിടങ്ങളിലും അവര് അക്രമം അഴിച്ചുവിടുകയാണെന്നും മുന് എം.എല്.എ പി.സി വിഷ്ണുനാഥ് ആരോപിച്ചു. പള്ളിയില് ആരാധനകഴിഞ്ഞ് ഇറങ്ങിയ കുട്ടമ്പേരൂര് വാഴക്കാലയില് ഗീവര്ഗീസ് ജോണിന്റെ മകന് സനു (18), ഭാര്യ എലിസബത്ത് വര്ഗീസ് (54) എന്നിവരെ ഡിവൈഎഫ്ഐ മേഖലാ സെക്രട്ടറി നിബിന് നല്ലവീട്ടിലും മറ്റും ചേര്ന്ന് മര്ദ്ദിച്ച് അവശരാക്കിയത് ഇതിന് ഉദാഹരണമാണെന്നും അദ്ദേഹം ആരോപിച്ചു. എന്നാല് സംഭവം വീട്ടുകാര് തമ്മിലുള്ള തര്ക്കമാണെന്നും പാര്ട്ടിക്ക് യാതൊരു ബന്ധവുമില്ലെന്നും സി.പി.എം പ്രാദേശി നേതൃത്വം വ്യക്തമാക്കി.
പ്രതികളെ അറസ്റ്റ് ചെയ്യാത്തതില് പ്രതിഷേധിച്ച് യുഡിഎഫ് മാന്നാര് മണ്ഡലം കമ്മറ്റിയുടെ ആഭിമുഖ്യത്തില് മാന്നാര് പൊലീസ് സ്റ്റേഷനിലേക്ക് കഴിഞ്ഞദിവസം പ്രതിഷേധമാര്ച്ച് സംഘടിപ്പിച്ചിരുന്നു. ഗുരുതരമായി പരിക്കേറ്റ സനുവും മാതാവും ചെങ്ങന്നൂര് ഗവണ്മെന്റ് ആശുപത്രിയില് ചികിത്സയിലാണ്. പൊലീസ് മൊഴിയെടുക്കാത്തതില് പ്രതിഷേധനിച്ച് യൂത്ത് കോണ്ഗ്രസിന്റെ നേതൃത്വത്തില് ഡിവൈഎസ്പി ഓഫീസ് പിക്കറ്റിങ്ങ് നടത്തി. അതിന് ശേഷമാണ് പൊലീസ് സനുവിന്റെയും മാതാവിന്റെയും മൊഴിയെടുക്കുവാന് തയ്യാറായതെന്നും വിഷ്ണുനാഥ് പറഞ്ഞു.
സനുവിനെയും മാതാവിനെയും മര്ദ്ദിച്ച ഡിവൈഎഫ്ഐ നേതാവ് കഴിഞ്ഞമാസം വൃദ്ധയായ ഹരിജന് മാതാവിനെയും മകനേയും മര്ദ്ദിച്ച കേസിലെ പ്രതിയായിരിക്കെ പട്ടികജാതി വിഭാഗങ്ങള്ക്കെതിരെയുള്ള അതിക്രമം തടയാനുള്ള നിയമത്തില് നിന്നും ഒഴിവാക്കി നിസ്സാര കേസാക്കാനാണ് മാന്നാര് പൊലീസ് ശ്രമിച്ചത്. കേസ്സെടുക്കാത്തപക്ഷം എസ്.പി., ഡിവൈഎസ്പി ഓഫീസ് മാര്ച്ചടക്കമുള്ള ശക്തമായ സമരപരിപാടികള് നടത്തുമെന്ന് ഡിസിസി പ്രസിഡന്റ് എം. ലിജു പറഞ്ഞു.
https://www.facebook.com/Malayalivartha
