കഴിഞ്ഞദിവസങ്ങളിലായി പ്രചരിക്കുന്ന വീഡിയോ ദൃശ്യങ്ങൾക്കുപിന്നിലുള്ള കരണത്തെക്കുറിച്ചുള്ള അന്വേഷണത്തിലാണ് പൊലീസ്. കാസർകോടുള്ള യുവാവിനെ രഹസ്യഭാഗങ്ങളിൽ മുളകരച്ച് തേയ്ക്കുകയും വടികൊണ്ട് മർദ്ദിക്കുകയും ചെയ്യുകയാണ് ദൃശ്യങ്ങളിൽ. ദൃശ്യങ്ങൾ ശ്രദ്ധയിൽപ്പെട്ടതിനെ തുടർന്ന് കാസർഗോട് പൊലീസും ഇക്കാര്യം അന്വേഷിക്കുന്നുണ്ട്. എന്നാൽ ഇതുവരേയും സംഭവത്തിന്‍റെ സ്രോതസ് കണ്ടെത്താനായിട്ടില്ല. ഇതുസംബന്ധിച്ച് പരാതികളൊന്നും ലഭിച്ചിട്ടില്ലെന്നും പൊലീസ് പറയുന്നു. ഇതുവരേയും സംഭവവുമായി ബന്ധപ്പെട്ട് ആരും പാതിനൽകിയിട്ടില്ലെന്നാണ് പൊലീസ് പറയുന്നത്.

വടികൊണ്ടടിച്ച് മാരകമായി പരിക്കേൽപ്പിക്കുകകയാണ് യുവാവിനെ. അടിക്കരുതെന്ന് യുവാവ് യാചിക്കുമ്പോഴും മർദ്ദനം അവസാനിപ്പിക്കുന്നില്ല. യുവാവിനെ വീടിനകത്ത് കൈകാലുകൾ കൂട്ടി കെട്ടിയിട്ട് തല്ലിച്ചതക്കുന്ന ഈ ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിക്കുന്നുണ്ട്. ദൃശ്യങ്ങൾ പകർത്തിയത് സ്ത്രീ തന്നെയാണെന്നാണ് സൂചന.