ജനങ്ങള് വികസനത്തിനും സര്ക്കാരിനും ഒപ്പം നില്ക്കും; കീഴാറ്റൂര് സമരം ബിജെപി ഏറ്റെടുത്തതോടെ സമരക്കാര് കൂടുതല് ഒറ്റപ്പെടുമെന്നും പി ജയരാജന്
കീഴാറ്റൂരിൽ വയൽക്കിളികളുടെ സമരം ബിജെപി ഏറ്റെടുത്തതോടെ സമരക്കാര് കൂടുതല് ഒറ്റപ്പെടുമെന്നും ജനങ്ങള് വികസനത്തിനും സര്ക്കാരിനും ഒപ്പം നില്ക്കുമെന്നും സിപിഎം കണ്ണൂര് ജില്ലാ സെക്രട്ടറി പി ജയരാജന്.
കീഴാറ്റൂർ വിഷയത്തിൽ പാര്ട്ടിയുടെ നിലപാട് വ്യക്തമാക്കിയിട്ടുണ്ട്. ഇത് വിശദീകരിച്ച് കൊണ്ട് ജനങ്ങൾക്ക് തുറന്ന കത്ത് പ്രസിദ്ധീകരിക്കാനും സിപിഎം തീരുമാനിച്ചിട്ടുണ്ട്. 'സമാധാനം, വികസനം' എന്ന മുദ്രാവാക്യമുയര്ത്തി ഏപ്രില് നാല് മുതല് ഒന്പത് വരെ ജില്ലയില് ജാഥകള് നടത്തുമെന്നും ജയരാജന് വ്യക്തമാക്കി.
സംസ്ഥാനകമ്മറ്റിയംഗം ജെയിംസ് മാത്യു എംഎല്എ നയിക്കുന്ന തെക്കന് മേഖലാ ജാഥ ഏപ്രില് നാലിന് തെരൂര്പാലയോട് വെച്ച് പാര്ട്ടി കേന്ദ്രകമ്മറ്റിയംഗം പികെ ശ്രീമതി ടീച്ചര് ഉദ്ഘാടനം ചെയ്യും. സംസ്ഥാനകമ്മറ്റിയംഗം കെകെ രാഗേഷ് എംപി നയിക്കുന്ന വടക്കന് മേഖലാ ജാഥ കണ്ണൂര് സിറ്റിയില് ജില്ലാ സെക്രട്ടറി പി ജയരാജന് ഉദ്ഘാടനം ചെയ്യും. ജാഥാ പരിപാടികൾ വിജയിപ്പിക്കണമെന്നും ജയരാജന് അഭ്യര്ത്ഥിച്ചു.
https://www.facebook.com/Malayalivartha
