ഇന്ത്യന്‍ എക്‌സ്പ്രസ് പത്രത്തില്‍ നിന്നും കരാര്‍ കാലാവധി അവസാനിച്ചു എന്ന ന്യായം പറഞ്ഞ് എട്ട് മാധ്യമ പ്രവര്‍ത്തകരെ പിരിച്ചുവിട്ട നടപടിയില്‍ പ്രതിഷേധിച്ച് സി.ഐ.ടി.യു സമരം നടത്തുമെന്ന് സംസ്ഥാന സെക്രട്ടറി എളമരം കരീം. ഇത് സംബന്ധിച്ച് പിരിച്ച് വിടപ്പെട്ടവരില്‍ ഒരാളായ സജിതിന്റെ ഫെയ്‌സ് ബുക്ക് പോസ്റ്റ് കണ്ടു. കേരളത്തിലെ തൊഴില്‍ മേഖല വല്ലാത്തൊരു പ്രതിസന്ധിയിലേക്കാണ് നീങ്ങുന്നതെന്നും എളമരം കരീം ചൂണ്ടാക്കാണിച്ചു.

നിശ്ചിത കാല തൊഴില്‍, ' കരാര്‍ തൊഴില്‍: എന്നെല്ലാ മുള്ളപേരുകളില്‍ യുവ തൊഴിലാളികളെ ഏതാനും വര്‍ഷത്തേക്ക് നിയമിക്കുകയും, അവരുടെ ചോര വറ്റുമ്പോള്‍ നിര്‍ദയം പിരിച്ചുവിടുകയും ചെയ്യുന്ന നയം എത്ര ക്രൂരമാണെന്നും എളമരം പറഞ്ഞു. മോഡി സര്‍ക്കാര്‍, കോര്‍പറേറ്റുകള്‍ക്ക് വേണ്ടിയാണ് ഭരണം നടത്തുന്നത്. ഈ നയത്തിനെതിരെ എല്ലാവരും ചേര്‍ന്ന ഒറ്റക്കെട്ടായ സമരം ഉയര്‍ത്തിക്കൊണ്ട് വരണം: ഇന്ത്യന്‍ എക്ല്പ്രസ് പിരിച്ചുവിടലിനെതിരെ സമരത്തിന് സി.ഐ. ടി.യു.സന്നദ്ധമണെന്നും അദ്ദേഹം വ്യക്തമാക്കി.

മുമ്പും ഇന്ത്യന്‍ എക്‌സ്പ്രസില്‍ ഇത്തരം പിരിച്ച് വിടല്‍ നടന്നിട്ടുണ്ട്. പല മാധ്യമസ്ഥാപനങ്ങളിലും കരാര്‍ ജീവനക്കാരെ നിയമിക്കുന്നുണ്ടെങ്കിലും അവര്‍ക്കൊന്നും അര്‍ഹമായ ആനുകൂല്യമോ മറ്റോ നല്‍കാറില്ല. പത്രപ്രവര്‍ത്തക യൂണിയന്‍ പോലും അടുത്തകാലത്താണ് കരാര്‍ ജീവനക്കാര്‍ക്ക് മെമ്പര്‍ഷിപ്പ് നല്‍കിയത്.