കെഎസ്ആര്ടിസി കൂട്ടസ്ഥലമാറ്റ ഉത്തരവ് മരവിപ്പിച്ചു, വനിതാ കണ്ടക്ടര്മാര്ക്കു പകരം പുരുഷകണ്ടക്ടര്മാരെ അയ്ക്കാന് തീരുമാനം
കെ.എസ്.ആര്.ടി.സിയില് ജോലിക്രമീകരണത്തിന്റെ പേരില് വനിതാ കണ്ടക്ടര്മാരെ മറ്റ് ജില്ലകളിലേക്കും വിദൂരങ്ങളിലേക്കും സ്ഥലംമാറ്റിയുള്ള ഉത്തരവ് മരവിപ്പിച്ചു. വനിതാ കണ്ടക്ടര്മാരുടെ അസൗകര്യവും ബുദ്ധിമുട്ടും പരിഗണിച്ച് ഇവര്ക്ക് പകരം പുരുഷ കണ്ടക്ടര്മാരെ അയക്കാനാണ് തീരുമാനമെന്ന് കെ.എസ്.ആര്.ടി.സി എം.ഡി ടോമിന് ജെ. തച്ചങ്കരി പറഞ്ഞു. അതേസമയം അതാത് ജില്ലകളിലെ മറ്റ് ഡിപ്പോകളിലേക്കുള്ള വനിതാ കണ്ടക്ടര്മാരുടെ സ്ഥലംമാറ്റത്തിന് മാറ്റമില്ല. ഒരുമാസത്തേക്കാണ് ക്രമീകരണമെന്നും അതിനുള്ളില് പൊതു സ്ഥലംമാറ്റപ്പട്ടിക ഇറങ്ങുന്നതോടെ പ്രശ്നങ്ങള് പരിഹരിക്കുമെന്നാണ് അധികൃതരുടെ വിലയിരുത്തല്.
മതിയായ ജീവനക്കാരുടെ അഭാവത്തില് പ്രതിദിനം 200 സര്വിസുകള് മുടങ്ങുന്നുണ്ടെന്ന് കണ്ടെത്തിയതിനെ തുടര്ന്നാണ് ജോലിക്രമീകരണമെന്ന പേരില് 518 കണ്ടക്ടര്മാരെയും 245 െ്രെഡവര്മാരെയും വിവിധ ഡിപ്പോകളിലേക്ക് സ്ഥലംമാറ്റി കഴിഞ്ഞ ദിവസം ഉത്തരവിറങ്ങിത്. ജീവനക്കാരുടെ പേര് സഹിതമുള്ള ഉത്തരവിന് പകരം ഓരോ ഡിപ്പോയില്നിന്ന് ഇത്ര ജീവനക്കാര് ഇന്ന ഡിപ്പോയിലേക്ക് പോകണമെന്ന എണ്ണം നല്കുകയാണ് ചെയ്തിരിക്കുന്നത്.
അടുത്ത യൂണിറ്റിലുള്ളവര്ക്കോ താല്പര്യമുള്ളവര്ക്കോ മുന്ഗണന നല്കണമെന്നതായിരുന്നു മാനദണ്ഡം. ഈ രണ്ട് മാനദണ്ഡപ്രകാരവും മതിയായ എണ്ണം ജീവനക്കാരെ കിട്ടിയില്ലെങ്കില് യൂനിറ്റില് രണ്ട് വര്ഷം പൂര്ത്തിയാക്കിയ ജൂനിയര് ജീവനക്കാരെ മാറ്റിനിയമിക്കണമെന്നായിരുന്നു നിര്ദേശം. ഏപ്രില് 25നുള്ളില് പുതിയസ്ഥലത്ത് ജോലിയില് പ്രവേശിക്കുന്ന രീതിയില് സ്ഥലംമാറ്റം പ്രാബല്യത്തില്വരുത്താനാണ് നിര്ദേശം. ആരും സ്വമേധയാ താല്പര്യം കാണിക്കാതെ വന്നതോടെ സീനിയോറിറ്റി പരിഗണിച്ചു. ഇതില് നല്ലൊരു ശതമാനവും കുടുങ്ങിയത് വനിതകളാണ്.
കൊല്ലം ഡിപ്പോയില് നിന്നടക്കം കൂട്ടത്തോടെ തലശ്ശേരിയിലേക്കുള്പ്പെടെ സ്ഥലംമാറ്റിയതതോടെ എം.ഡിയെ കഴിഞ്ഞ ദിവസം നേരില്കണ്ട് വനിതകള് പരാതി അറിയിച്ചിച്ചു. ഈ സാഹചര്യത്തിലാണ് ഉത്തരവ് മരവിപ്പിച്ചുള്ള നടപടി.
https://www.facebook.com/Malayalivartha
