ഇടുക്കി വെൺമണി തട്ടേക്കല്ല് കേന്ദ്രീകരിച്ച് ഉള്ളാട സമുദായ സംഘടനാ സമിതി രൂപീകരിച്ചു. ഇടുക്കി ജില്ലാതല സംഘടനാ പ്രവർത്തനങ്ങൾക്കായി തട്ടേക്കല്ലിൽ ചേർന്ന യോഗം സംസ്ഥാന ഉള്ളാട സമിതി പ്രസിഡന്റ് യു. ഗോപി ഉത്ഘാടനം ചെയ്തു.

ഉള്ളാട സമുദായത്തിന്റെ അടിസ്ഥാനപരമായ ഉന്നമനത്തിനും അവകാശങ്ങൾ നേടിയെടുക്കുവാനും സംഘടനാ സംവിധാനം അനിവാര്യമാണന്നും 'പാർശ്വവൽക്കരിക്കപ്പെട്ട വലിയൊരു വിഭാഗം ആദിവാസി സമൂഹമാണ് ഉളളാട സമുദായ സംഘടനയിലുള്ളത് എന്നും യോഗം ഉത്ഘാടനം ചെയ്ത സംസ്ഥാന പ്രസിഡൻറ് യു ഗോപി പറഞ്ഞു. യോഗത്തിൽ പി.സജി അദ്ധ്യക്ഷത വഹിച്ചു. സംസ്ഥാന സെക്രട്ടറി മഹേശ്വരൻ വനിതാ വിഭാഗം പ്രതിനിധി ഗീത, പഞ്ചായത്ത് അംഗം K സന്തോഷ് കുമാർ തുടങ്ങിയവർ പ്രസംഗിച്ചു. തുടർന്ന് ജില്ലാ ഭരണ സമിതിയിലേക്കുള്ള തെരഞ്ഞെടുപ്പും നടന്നു.

ഉള്ളടൻമാർക്കു വേണ്ടി പ്രവർത്തിക്കുന്ന സംഘടനയാണ് കേരള ഉള്ളടൻ മഹാസഭാ, തിരഞ്ഞെടുത്ത ഭാരവാഹികൾ എല്ലാവരും ഈ പ്രദേശത്തിനു വേണ്ടി അവകാശങ്ങൾ നേടിക്കൊടുക്കുന്നതിനു വേണ്ടി പ്രവർത്തിക്കാനാണ് തീരുമാനം.