കേരളത്തില് ഉപതെരഞ്ഞെടുപ്പ് നടക്കുന്ന ചെങ്ങന്നൂര് മണ്ഡലത്തില് ദലിത് വിഭാഗങ്ങളിലുള്ളവര് അധിവസിക്കുന്നുണ്ട്. ദലിത് എന്ന വാക്കിന് അയിത്തം കല്പ്പിച്ച ആര്എസ്എസ്-ബിജെപി സംഘപരിവാരം ദലിതരുടെ വോട്ടിന് അയിത്തം കല്പ്പിക്കുന്നുണ്ടോ ; വിമർശനവുമായി കോടിയേരി ബാലകൃഷ്ണന്
മോദി സര്ക്കാരിനും സംഘപരിവാര് ഭീകരതയ്ക്കും എതിരെ രാജ്യത്തെ ദലിത് സംഘടനകളും പ്രവര്ത്തകരും സജീവമായി രംഗത്തുവരുമ്പോൾള്, ദലിത് എന്ന വാക്കിന് പോലും അയിത്തം കല്പ്പിച്ച് മാറ്റി നിര്ത്തിക്കൊണ്ട് ആര്എസ്എസ് സംഘപരിവാരം ദലിത് സമൂഹത്തെ ഭീഷണിപ്പെടുത്തുകയാണെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്. ദളിത് എന്ന വാക്കിന് അയിത്തം കല്പ്പിച്ച ആര്എസ്എസ്-ബിജെപി സംഘപരിവാരം അവരുടെ വോട്ടിന് അയിത്തം കല്പ്പിക്കുന്നുണ്ടോയെന്നും കോടിയേരി ബാലകൃഷ്ണന് ചോദിക്കുന്നു. തന്റെ ഫെയ്സ്ബുക്ക് പോസ്റ്റിലൂടെയായിരുന്നു കോടിയേരിയുടെ പ്രതികരണം.
ഫെയ്സ്ബുക്ക് പോസ്റ്റിന്റെ പൂര്ണ്ണരൂപം ഇങ്ങനെ ;
ദലിത് എന്ന വാക്കിന് അയിത്തം കല്പ്പിച്ച ആര്എസ്എസ്-ബിജെപി സംഘപരിവാരത്തിന്റെ നടപടി ചില മാധ്യമങ്ങള് റിപ്പോര്ട്ട് ചെയ്തത് ശ്രദ്ധയില്പ്പെട്ടു. ഭരണഘടനയ്ക്ക് പകരം മനുസ്മൃതി രാജ്യത്ത് നടപ്പിലാക്കണമെന്നാണ് ആര്എസ്എസ് ആഗ്രഹിക്കുന്നത്. അതിന്റെ ഭാഗമായിട്ടാണ് കഴിഞ്ഞ ശനിയാഴ്ച പൂനെയില് സമാപിച്ച ആര്എസ്എസ് ദേശീയ എക്സിക്യുട്ടീവില് ദലിത് എന്ന വാക്കിന് അയിത്തം കല്പ്പിച്ചത്.
ദലിത് എന്ന പദം പ്രവര്ത്തകരാരും ഉച്ഛരിക്കാന് പാടില്ലെന്ന് ആര്എസ്എസ് നിര്ദേശിച്ചതായാണ് മുതിര്ന്ന ഭാരവാഹികളെ ഉദ്ധരിച്ച് ദേശീയ മാധ്യമങ്ങളടക്കം റിപ്പോര്ട്ട് ചെയ്തിരിക്കുന്നത്. മോദി സര്ക്കാരിനും സംഘപരിവാര് ഭീകരതയ്ക്കും എതിരെ രാജ്യത്തെ ദലിത് സംഘടനകളും പ്രവര്ത്തകരും സജീവമായി രംഗത്തുവരുമ്ബോള്, ദലിത് എന്ന വാക്കിന് പോലും അയിത്തം കല്പ്പിച്ച് മാറ്റി നിര്ത്തിക്കൊണ്ട് ആര്എസ്എസ് സംഘപരിവാരം ദലിത് സമൂഹത്തെ ഭീഷണിപ്പെടുത്തുകയാണ്. സംഘപരിവാരത്തെ പൂര്ണാര്ത്ഥത്തില് മനസിലാക്കാതെ അവരുടെ കൂടെ നില്ക്കുന്ന ദലിതുകള്ക്ക് നേരെയുള്ള ആര്എസ്എസ് ഭീഷണികൂടിയാണിതെന്ന് പറയാതെ വയ്യ.
ഉത്തര്പ്രദേശിലെ ഉന്നാവും ഗുജറാത്തിലെ ഉനയും മഹാരാഷ്ട്രയിലെ ഭീം കൊറിഗാവുമൊക്കെ ദലിതരെ ഉന്മൂലനം ചെയ്യുക എന്ന ആര്എസ്എസ് അജണ്ട നടപ്പിലാക്കിയ പരീക്ഷണ ശാലകളാണ്. ഈ സംസ്ഥാനങ്ങളില് ഭരണം നടത്തുന്ന ബിജെപി സര്ക്കാരുകള്, പൗരോഹിത്യ സവര്ണാധിപത്യത്തിന്റെ തിട്ടൂരങ്ങളാണ് നടപ്പിലാക്കുന്നത്. അതിനാലാണ് ബിജെപി ഭരിക്കുന്ന സംസ്ഥാനങ്ങളില് ദലിത് വിഭാഗങ്ങളില്പ്പെടുന്നവര് വേട്ടയാടപ്പെടുന്നത്.
കേരളത്തില് ഉപതെരഞ്ഞെടുപ്പ് നടക്കുന്ന ചെങ്ങന്നൂര് മണ്ഡലത്തില് ദലിത് വിഭാഗങ്ങളിലുള്ളവര് അധിവസിക്കുന്നുണ്ട്. ദലിത് എന്ന വാക്കിന് അയിത്തം കല്പ്പിച്ച ആര്എസ്എസ്-ബിജെപി സംഘപരിവാരം ദലിതരുടെ വോട്ടിന് അയിത്തം കല്പ്പിക്കുന്നുണ്ടോ? എന്ന് കോടിയേരി പ്രതികരിച്ചു.
https://www.facebook.com/Malayalivartha
