മൂന്നാം തലമുറ ഇലക്ട്രോണിക് വോട്ടിങ് യന്ത്രങ്ങൾ തിരഞ്ഞെടുപ്പ് കമ്മീഷന് പുറത്തിറക്കി. മാർക്ക് 3 ഇവിഎം എന്ന പുതിയ മെഷീന് 100 ശതമാനം സുരക്ഷിതമാണ്. ഒരുവിധത്തിലും കേടുവരാത്തതും കൃത്രിമങ്ങള് നടത്താൻ സാധിക്കാത്തതുമായ വോട്ടിങ് യന്ത്രമാണ് ഇതെന്ന് കമ്മീഷൻ പറയുന്നു.

മെഷീനിൽ ഉപയോഗിച്ചിരിക്കുന്ന ചിപ്പുകൾ ഒരിക്കൽ മാത്രം പ്രോഗ്രാം ചെയ്യാൻ കഴിയുന്ന വിധത്തിലുള്ളതാണ്. ചിപ്പിലെ സോഫ്റ്റ് വെയർ കോഡ് തിരിച്ചറിയാനോ പുനരാലേഖനം ചെയ്യാനോ കഴിയില്ല. അതുകൊണ്ടുതന്നെ യന്ത്രത്തിന്റെ പ്രോഗ്രാമിൽ മാറ്റം വരുത്താൻ സാധിക്കില്ലെന്നും തിരഞ്ഞെടുപ്പ് കമ്മീഷൻ പറയുന്നു.

ഇലക്ട്രോണിക്സ് കോർപറേഷൻ ഓഫ് ഇന്ത്യ ലിമിറ്റഡും(ഇസിഐഎൽ ) ഭാരത് ഇലക്ട്രോണിക്സ് ലിമിറ്റഡും ചേർന്നാണ് പുതിയ യന്ത്രം നിർമ്മിച്ചിരിക്കുന്നത്. ഏതെങ്കിലും തരത്തിലുള്ള സോഫ്റ്റ് വെയർ തകരാറുകൾ ഉണ്ടായാൽ തിരിച്ചറിയാനും സ്വയം പരിഹരിക്കാനും യന്ത്രത്തിന് കഴിയും. ഏതെങ്കിലും തരത്തിൽ കൃത്രിമത്വങ്ങൾ നടത്താനുള്ള ശ്രമം തടയാൻ കഴിയുംവിധത്തിലാണ് മെഷീൻ രൂപകല്പന ചെയ്തിരിക്കുന്നതെന്നും തിരഞ്ഞെടുപ്പ് കമ്മീഷൻ പറയുന്നു.

ഇന്റർനെറ്റ് അടക്കം ഒരുതരത്തിലുമുള്ള നെറ്റ് വർക്കുമായി ക്കുമായി മെഷീന് ബന്ധിപ്പിക്കുന്നില്ല. സ്ക്രൂ ഉൾപ്പെടെ ഏതെങ്കിലും ഭാഗം അഴിക്കാൻ ശ്രമിച്ചാൽ ; മെഷീൻ പ്രവർത്തനരഹിതമാകും. പൂർണമായും ഇന്ത്യയിൽ നിർമ്മിച്ചതാണ് മെഷീൻ കർണാടക തിരഞ്ഞെടുപ്പിൽ ഈ പുതിയ യന്ത്രം ആണ് ഉപയോഗിക്കുന്നത്.