മുഖ്യമന്ത്രിയെയും ഡിജിപിയെയും കാണാന് അവസരം നിഷേധിച്ചെന്ന് അശ്വതി ഫെയ്സ്ബുക്കില് ഇട്ട പോസ്റ്റ് വ്യാജം; രാജ്യത്തെ നാണം കെടുത്തിയ പോസ്റ്റിന് മാപ്പ് പറഞ്ഞ് ലീഗയുടെ സഹോദരി ഇല്സി
ലിഗയുടെ തിരോധാനവുമായി ബന്ധപ്പെട്ട് മുഖ്യമന്ത്രിയുടെ ഓഫീസിനും പൊലീസ് മേധാവിക്കുമെതിരെ സന്നദ്ധ സംഘടനാ പ്രവര്ത്തക അശ്വതി ജ്വാല ഉന്നയിച്ച ആരോപണം ശരിയല്ലെന്ന് സഹോദരി ഇല്സി സ്ക്രോമന്. ആശയക്കുഴപ്പം കൊണ്ടായിരിക്കാം അങ്ങനെ പറഞ്ഞതെന്നും സ്വന്തം ഭാഗം ന്യായീകരിക്കാന് അശ്വതി വിളിച്ചുചേര്ത്ത വാര്ത്താസമ്മേളനത്തില് ഇല്സി തുറന്നുപറഞ്ഞു. അശ്വതിക്ക് പറ്റിയ വീഴ്ചയിലും വിവാദത്തിലേക്ക് മുഖ്യമന്ത്രിയെ വലിച്ചിഴച്ചതിലും മാപ്പുചോദിക്കുന്നതായും ഇല്സി പറഞ്ഞു.
ഇതുമായി ബന്ധപ്പെട്ട് നേരത്തെ നടത്തിയ വാര്ത്താസമ്മേളനത്തില് സഹായിയായി ഒപ്പമുണ്ടായിരുന്ന അശ്വതി ജ്വാല മലയാളത്തിലാണ് കാര്യങ്ങള് പറഞ്ഞ് സംസാരിച്ചത്. പറഞ്ഞതില് പലതും അന്ന് തനിക്ക് മനസ്സിലായില്ല. അശ്വതിക്ക് പറ്റിയത് പിഴവാണ്. ഇതുമായി ബന്ധപ്പെട്ട വിവാദങ്ങള് അവസാനിപ്പിക്കണമെന്നും സംഭവത്തില് ഖേദം പ്രകടിപ്പിക്കുന്നതായും ഇല്സി ആവര്ത്തിച്ചു.
മുഖ്യമന്ത്രിയെയും ഡിജിപിയെയും കാണാന് അവസരം നിഷേധിച്ചെന്ന് അശ്വതി ഫെയ്സ്ബുക്കില് വ്യാജ പോസ്റ്റിട്ടിരുന്നു. തുടര്ന്ന് ഇല്സിയെയുംകൂട്ടി വാര്ത്താസമ്മേളനം നടത്തിയും നുണ ആവര്ത്തിച്ചു. മുഖ്യമന്ത്രിയുടെ ഓഫീസും ഡിജിപിയും ഇത് നിഷേധിച്ചെങ്കിലും തിരുത്താന് അശ്വതി തയ്യാറായിരുന്നില്ല.അതിനിടെയാണ് ലിഗയുടെപേരില് അശ്വതി പണം പിരിച്ചെന്ന പരാതി പൊലീസിന് ലഭിച്ചത്. ഈ പരാതിയില് കേസെടുത്തതോടെ വെട്ടിലായതിനെ തുടര്ന്നാണ് ഇല്സിയെയും കൂട്ടി അശ്വതി വീണ്ടും വാര്ത്താസമ്മേളനം നടത്തിയത്.
ഇല്സി സത്യം തുറന്നുപറഞ്ഞതോടെ അശ്വതി പറഞ്ഞത് പച്ചക്കള്ളമാണെന്നും വ്യക്തമായി. അതേസമയം, തന്റെ കൈയില്നിന്ന്അശ്വതി കാശ് വാങ്ങിയില്ലെന്നും ഇല്സി പറഞ്ഞു. തനിക്കെതിരെ പരാതിയെ നിയമപരമായി നേരിടുമെന്നും അശ്വതി പറഞ്ഞു.
https://www.facebook.com/Malayalivartha
