സമരകേരളം തിരുവനന്തപുരത്തേക്ക് തല്ക്കാലം നീട്ടിവയ്ക്കുന്നു; ലക്ഷ്യം തെരഞ്ഞെടുപ്പ് രാഷ്ട്രയമല്ല വരും തലമുറയ്ക്കായുള്ള സമരമെന്ന് വയല്ക്കിളികള്; മാര്ച്ചിനു പിന്നില് തീവ്രവാദ ശക്തിയെന്ന് ജയരാജന്
കീഴാറ്റൂരില് ബൈപ്പാസ് നിര്മ്മിക്കുന്നതിനെതിരെ 'സമരകേരളം തിരുവനന്തപുരത്തേക്ക്' എന്ന മുദ്രാവാക്യവുമായി നടത്താനിരുന്ന ലോങ്മാര്ച്ച് സമരത്തില് നിന്ന് വയല്ക്കിളികള് പിന്നോട്ട്. ലോങ്മാര്ച്ച് നടത്തുന്നത് നീട്ടിവച്ചതായി കീഴാറ്റൂര് സമര നേതാവ് സുരേഷ് കീഴാറ്റൂര് അറിയച്ചു. ലോങ്മാര്ച്ച് തീയതി പ്രഖ്യാപിക്കുന്നത് ഓഗസ്റ്റ 11ലേക്ക് മാറ്റി. 11ന് തൃശൂരില് ചേരുന്ന യോഗത്തില് തീയതി പ്രഖ്യാപിക്കുമെന്ന് കീഴാറ്റൂര് സമര ഐക്യദാര്ഡ്യ സമിതിയുടെ മനതൃത്വത്തില് നടത്തിയ കണ്വന്ഷനില് വ്യക്തമാക്കി.
പരിസ്ഥിതിക്കു വേണ്ടിയുള്ള സമരമാണ് കീഴാറ്റൂരിലേത്. കേരളത്തിലെ വരും തലമുറയ്ക്കായാണ് സമരം നടത്തുന്നത്. തെരഞ്ഞെടുപ്പ് രാഷ്ട്രയമല്ല ലക്ഷ്യം. ഇത് കോരളത്തിന്റെ നല്ല ഭാവിക്കുള്ള സമരമാണെന്നും സുരേഷ് കീഴാറ്റൂര് കണ്വന്ഷനില് പറഞ്ഞു.
അതേസമയം, വയല്ക്കിളികളെ അനുനയിപ്പിക്കാനുള്ള നീക്കം സി.പി.എം തുടരുകയാണ്. വയല്ക്കിളികള് സമരത്തില് നിന്ന് പിന്മാറണമെന്നും സമരത്തിനു പിന്നില് ചില ഇസ്ലാമിക തീവ്രവാദികളും മാവോയിസ്റ്റുകളുമുണ്ട്. സമരം ഒത്തുതീര്പ്പാക്കാന് സി.പി.ം ശ്രമം തുടരുമെന്ന് കണ്ണുര് ജില്ലാ സെക്രട്ടറി പി.ജയരാജന് പറഞ്ഞു.
കേരളത്തില് മാവോയിസ്റ്റ്ഇസ്ലാമിക് തീവ്രവാദ സഖ്യം രൂപപ്പെട്ടിട്ടുണ്ട്. വയല്ക്കിളികളുടെ ലോങ്മാര്ച്ചിനു പിന്നിലും ഈ സഖ്യമാണെന്നും ജയരാജന് പറഞ്ഞു.
അതിനിടെ, കീഴാറ്റൂരില് എത്തി കേന്ദ്രസംഘം ഒരാഴ്ചയ്ക്കകം പഠന റിപ്പോര്ട്ട് സമര്പ്പിക്കും. ബൈപ്പാസ് കടന്നുപോകുന്ന മേഖലകളില് കേന്ദ്രസംഘം പരിശോധന നടത്തിയിരുന്നു. കൂവോട് ഭാഗത്ത് വ്യാപകമായി കണ്ടല്ക്കാടുകള് നശിപ്പിച്ചതും സംഘത്തിന്റെ ശ്രദ്ധയില്പ്പെട്ടിട്ടുണ്ട്.
https://www.facebook.com/Malayalivartha
