ബിജെപി നേതാക്കളുമായി ചര്ച്ചനടത്തുന്നതിന് തയ്യാറാകാതെ തുഷാര് വെള്ളാപ്പള്ളി; ബിജെപിയുടെ അനുനയനശ്രമം പാളി; ബിഡിജെഎസ്സ് പങ്കെടുത്തില്ലെങ്കിലും കണ്വെന്ഷന് ശക്തിപ്രകടിപ്പിക്കുന്നതിനുള്ള വേദിയാക്കാനും ശ്രമം
ചെങ്ങന്നൂരില് ബിഡിജെഎസ്സിനെ അനുനയിപ്പിക്കാനാകാതെ ബിജെപി .നിസ്സഹകരണം പ്രഖ്യാപിച്ചെങ്കിലും ബിഡിജെഎസ്സ് മുന്നണി യുടെ ഭാഗമെന്ന് കുമ്മനം. ബിഡിജെഎസ്സ് പങ്കെടുത്തില്ലെങ്കിലും ഞായറാഴ്ച്ചത്തെ കണ്വെന്ഷന് ശക്തിപ്രകടിപ്പിക്കുന്നതിനുള്ള വേദിയാക്കി മാറ്റാനാണ് ബിജെപി ശ്രമം. നിസ്സഹകരണം പ്രഖ്യാപിച്ച ബിഡിജെഎസ്സിനെ അനുനയിപ്പിക്കാനുള്ള ശ്രമങ്ങള് ദേശീയ നേതൃത്വത്തിന്റെ ഇടപെടലിനെ തുടര്ന്ന് ബിജെപി സംസ്ഥാന നേതാക്കളുടെ ഭാഗത്ത് നിന്നുണ്ടായി. എന്നാല് ബിജെപി നേതാക്കളുമായി ചര്ച്ചനടത്തുന്നതിന് ബിഡിജെഎസ്സ് അദ്യക്ഷന് തുഷാര് വെള്ളാപ്പള്ളിയും തയ്യാറായില്ല.
പദവികളുടെ കാര്യത്തില് ദേശീയ നേതൃത്വം തീരുമാനമെടുക്കുമെന്ന് പറഞ്ഞ ബിജെപി സംസ്ഥാന ഘടകമാകട്ടെ കണ്വെന്ഷനില് ബിഡിജെഎസ്സിനെ പങ്കെടുപ്പിക്കാന് ശ്രമം നടത്തുകയുംചെയ്തു.അതേസമയം ബിഡിജെഎസ്സ് ആകട്ടെ ബിജെപി യുടെ നീക്കത്തോട് അനുകൂലമായല്ല പ്രതികരിച്ചത്.എന്നാല് തെരഞ്ഞെടുപ്പ് പ്രവര്ത്തനങ്ങള് നിയന്ത്രിക്കുന്ന ആര്എസ്സ്എസ്സ് നേതൃത്വമാകട്ടെ മറ്റ് ഘടകകക്ഷികള്ക്കും തെരഞ്ഞെടുപ്പ് ചുമതലകള് നല്കുകയും ചെയ്തു.
എന്ഡിഎ ഘടക കക്ഷികളായ മുന് എംഎല്എ രാജന്ബാബുവിന്റെ ജെഎസ്സ്എസ്സും സികെ ജാനുവിന്റെ ജെആര്എസ്സും പിസി തോമസിന്റെ കേരളാ കോണ്ഗ്രസ്സും പ്രജാ സോഷ്യലിസ്റ്റ് പാര്ട്ടിയും ലോക്ജനശക്തി പാര്ട്ടിയുമൊക്കെ തെരഞ്ഞെടുപ്പ് പ്രവര്ത്തനത്തില് സജീവമാണ്.തെരഞ്ഞെടുപ്പ് കണ്വെന്ഷനില് കേന്ദ്രമന്ത്രി പ്രകാശ് ജാവദേക്കര് ഉദ്ഘാടനം ചെയ്യുമ്പോള് അധ്യക്ഷ പദം കേരളാ കോണ്ഗ്രസ്സിനാണ്.ബിഡിജെഎസ്സിന്റെ അഭാവത്തില് മറ്റ് ഘടകകക്ഷികളെ പരിഗണിക്കാന് ബിജെപി ശ്രദ്ധിക്കുന്നുണ്ട്.തെരഞ്ഞെടുപ്പ് പ്രവര്ത്തനങ്ങളുടെ ഉത്തരവാദിത്തം ബിജെപി നേതാക്കളോടൊപ്പം പിഎസ്പി ചെയര്മാന് കെകെ പൊന്നപ്പന് ,എല്ജെപി സംസ്ഥാന അധ്യക്ഷന് എം മെഹബൂബ് എന്നിവര്ക്കുമുണ്ട്.തെരഞ്ഞെടുപ്പ് പ്രവര്ത്തനങ്ങളൂടെ ദൈനംദിന അവലോകനവും ഈ നേതാക്കളുടെ നേതൃത്വത്തിലാണ്.പഞ്ചായത്ത് കണ്വെന്ഷനുകളും സ്ഥാനാര്ത്ഥി പര്യേടനവും തുടങ്ങുന്നതോടെ താഴെതട്ടില് പ്രവര്ത്തകരെ കൂടുതലായി രംഗത്തിറക്കാനാണ് എന്ഡിഎ നേതാക്കളുടെ ശ്രമം.
https://www.facebook.com/Malayalivartha
