കേരളത്തിലെ സ്ത്രീകള്‍ക്ക് 24 മണിക്കൂറും മുഖ്യമന്ത്രിയെ ഫോണില്‍ ലഭിക്കാനുള്ള സംവിധാനം ഒരുക്കണമെന്നു നടന്‍ ജോയ് മാത്യു. സ്ത്രീകള്‍ക്കെതിരെയുള്ള അതിക്രമങ്ങള്‍ വര്‍ധിച്ചു വരുന്ന സാഹചര്യത്തിലാണ് അത്തരമൊരു ക്രമീകരണം വേണ്ടിവരുന്നത്. 

മൊബൈല്‍ ഫോണില്‍ മുഖ്യമന്ത്രിയെ നേരിട്ടു കിട്ടണമെന്നല്ല, മറിച്ച് ഔദ്യോഗികമായി അത്തരമൊരു സംവിധാനം ഒരുക്കണമെന്നാണു താന്‍ ആവശ്യപ്പെടുന്നതെന്നും ജോയ് മാത്യു പറഞ്ഞു. 

അതേസമയം സംസ്ഥാനത്ത് സ്ത്രീകള്‌ക്കെതിരെയുള്ള അതിക്രമങ്ങള്‍ വര്‍ധിച്ചുവരികയാണ്. ദിവസവും കുറഞ്ഞത് മൂന്ന് സ്ത്രീകളെങ്കിലും ലൈംഗിക പീഡനത്തിന് ഇരയാകുന്നതായി പൊലീസിന്റ കണക്കുകള്‍ വ്യക്തമാക്കുന്നു. സ്ത്രീകള്‍ക്കെതിരെ ഏററവുമധികം അതിക്രമങ്ങള്‍ നടക്കുന്ന ജില്ല മലപ്പുറമാണ്. സ്ത്രീകള്‍ക്കെതിരെ നടന്നിട്ടുള്ള കുറ്റകൃത്യങ്ങളില്‍പ്പെടുന്ന 9344 കേസുകളാണ് കഴിഞ്ഞ ഒമ്പത് മാസത്തിനിടെ സംസ്ഥാനത്ത് രേഖപ്പെടുത്തിയിട്ടുള്ളത്. കണക്കുകള്‍ പ്രകാരം ദിവസവും മൂന്നിലധികം സ്ത്രീകള്‍ ലൈംഗിക പീഡനത്തിന് ഇരയാവുന്നുണ്ട്. 924 സ്ത്രീകളാണ് ലൈംഗിക പീഡനത്തിന് ഇരയായിട്ടുള്ളത്. ഏറ്റവുമധികം സ്ത്രീകള്‍ പീഡിപ്പിക്കപ്പെട്ട ജില്ല മലപ്പുറമാണ്. 105 പരാതികളാണ് ഇവിടെ രജിസ്റ്റര്‍ ചെയ്തത്.

സ്ത്രീകള്‍ക്കെതിരെയുള്ള കുറ്റകൃത്യങ്ങളുടെ കാര്യത്തിലും മലപ്പുറം തന്നെയാണ് മുന്നില്‍. 1130 കേസുകളാണ് മലപ്പുറം ജില്ലയില് പൊലീസ് രജിസ്റ്റര്‍ ചെയ്തിട്ടുള്ളത്. ഭര്‍ത്താവിന്റെയും ബന്ധുക്കളുടെയും ആക്രമണത്തിന് ഇരയായിട്ടുള്ള സ്ത്രീകള്‍ നല്‍കിയ പരാതിയുടെ അടിസ്ഥാനത്തിള്‍ 2,850 കേസുകള്‍ എടുത്തിട്ടുണ്ട്. പൊതുവഴിയിള്‍ സ്ത്രീകള് അധിക്ഷേപിക്കപ്പെട്ടതിന് 203 കേസുകള്‍ ഇതിനോടകം രേഖപ്പെടുത്തിയിട്ടുണ്ട്.
സ്ത്രീധന പീഡനം മൂലം മരണപ്പെട്ട സംഭവങ്ങളിള്‍ നാല് കേസുകളാണ് നിലവിലുള്ളത്. കാണാതായ സ്ത്രീകളുടെ എണ്ണം 132 പിന്നിട്ടിരിക്കുന്നു. സ്ത്രീകള്‍ക്കെതിരെ നടക്കുന്ന അക്രമങ്ങള്‍ മുന്നുവര്‍ഷത്തെക്കാള്‍ വര്‍ധിക്കുന്നതായാണ് കണക്കുകള്‍ വ്യക്തമാക്കുന്നത്.