കുമ്മനം രാജശേഖരന് ഇന്ന് മിസ്സോറാം ഗവര്ണറായി സ്ഥാനമേല്ക്കും; ഭരണ പരിചയമില്ലെങ്കിലും രാഷ്ട്രീയ പ്രവര്ത്തന പരിചയം മുതല്ക്കൂട്ടാകുമെന്ന് കുമ്മനം
കുമ്മനം രാജശേഖരന് ഇന്ന് മിസ്സോറാം ഗവര്ണറായി ചുമതലയേല്ക്കും. ഭരണ പരിചയമില്ലെങ്കിലും രാഷ്ട്രീയ പ്രവര്ത്തന പരിചയം മുതല്ക്കൂട്ടാകുമെന്ന് കുമ്മനം വാര്ത്താ സമ്മേളനത്തില് പറഞ്ഞു. സത്യ പ്രതിജ്ഞയ്ക്കുശേഷം ജൂണ് മൂന്നിനും നാലിനും ഡല്ഹിയില് ഗവര്ണര്മാരുടെ യോഗത്തില് പങ്കെടുക്കും. നിലവിലെ മിസോറം ഗവര്ണര് നിര്ഭയ് ശര്മയുടെ കാലാവധി തിങ്കളാഴ്ച പൂര്ത്തിയായ ഒഴിവിലേക്കാണ് നിയമനം.
പഞ്ചായത്ത് മെമ്പര് പോലും ആയിട്ടില്ലാത്ത തനിക്ക് ഗവര്ണര് പദവി ഒരു വെല്ലുവിളി തന്നെയാണെന്ന് കുമ്മനം രാജശേഖരന് പറഞ്ഞു. തന്നെ ഗവര്ണറായി നിയമിച്ചതില് സന്തോഷവും അഭിമാനവുമുണ്ടെന്നും കുമ്മനം പറഞ്ഞു. ഒരു ഗവര്ണര് ആയി പ്രവര്ത്തിക്കാനും അറിയാം എന്ന് തെളിയിക്കേണ്ടത് ഇനി എന്റെ കടമയാണ്. എന്റെ പദവി കേരളത്തിലെ പാര്ട്ടിയുടെ പ്രവര്ത്തനത്തെ ഒരിക്കലും ബാധിക്കില്ല. താന് ചെയ്ത സേവനങ്ങള് കണ്ടറിഞ്ഞാകാം ഈ ഉത്തരവാദിത്വം ഏല്പ്പിച്ചത്.
രാഷ്ട്രീയ സാമൂഹിക സാംസ്കാരിക രംഗത്തെ പ്രവര്ത്തിപരിചയം മുതല്കൂട്ടായെന്നും കുമ്മനം മാധ്യമങ്ങളോട് പറഞ്ഞു. തനിക്ക് ഗവര്ണര് പദവി ലഭിച്ചത് കൃത്യമായ സമയത്തല്ല എന്ന അഭിപ്രായം ഇല്ല. കേരളത്തിലെ വിഷയങ്ങളില് കേന്ദ്രത്തിന് ഉള്ള ശ്രദ്ധയും താല്പര്യവും കൂടി ആണ് തനിക്ക് ഈ പദവി ലഭിച്ചതിലൂടെ തെളിയുന്നത്. ഈ സ്ഥാനം ഏല്ക്കാന് എനിക്ക് വൈമുഖ്യം ഇല്ല. പൊതുപ്രവര്ത്തന ജീവിതത്തില് തന്നെ പിന്തുണച്ചവര്ക്ക് നന്ദിയുണ്ടെന്നും കുമ്മനം പറഞ്ഞു.
https://www.facebook.com/Malayalivartha
